CoCo壹番屋 (天晉滙)

营业中

休息中

啱啱星期六晚同朋友食饭。因为有小朋友，所以拣咗佢哋钟意嘅日式咖哩，去左佢哋屋企附近coco（因为儿童餐有礼物🤣）呢间我都系第一次食，全店以食日式咖哩饭为主，仲有乌冬同焗饭选择，咖哩有唔同辣度可以拣，另外仲可以拣套餐。我朋友嘅小朋友拣左咖哩肠仔饭（竟然有人拣肠仔，真系笑左出声🤣🤣🤣，可能我师奶性格，我就觉得好唔抵，但佢中意食肠仔。。。可以食到自己中意食野，都系幸福嘅）咖哩饭上整齐排左四条日式肠仔，有少少似脆皮肠，可能长少少，都几可爱。我就拣左蛋包饭配吉列猪扒，辣度我拣左三只辣椒🌶🌶🌶所以个咖哩汁颜色同其他嘅都有啲唔同，有啲类似七味粉嘅红色点点响汁上面，都唔算太辣（因为我都食得辣）我估大概系谭仔五5至3小辣卦。我鸡蛋系几好食嘅，猪扒炸得外脆松软，唔错。咖哩汁就系一贯日式咖喱汁，有少少细粒薯仔咁。我拣左套餐，有得选2, 3, 4，可以拣沙律，饮品，餐汤，同雪糕。我就拣左套餐2，饮柠檬茶同餐汤餐。汤系日式餐汤，有啲海带同杂菜。整体可以嘅，不过我都觉得有啲偏贵，间唔中食一次还可以。