影片
更多
2010-07-21
59 浏览
如果唔系去做野, 我谂我都唔会去观塘食饭, 今日有个朋友约我食饭, 咁我地又唔知有咩地方好食 咁结果我地去咗观塘呢间壱番屋, 食日式咖喱饭. 呢间野系鳄鱼恤中心, 即系apm隔离, 系apm个度有条通道直接行过去嘅. 当初打电话去想book位, 但系佢话冇得book位, 只可以即场排队. 咁我地就七点钟去到, 谂住咁早都唔会排好耐啦. 点知去到条龙水蛇春咁长, 当初本来谂住放弃架喇, 但见一场黎到, 时间咁早决定去排队. 点知一排就排咗一个钟头. 排队𠮶度仲好衰添, 因为管理处唔比啲客人系门口排队, 要后楼梯排队, 所以所有人就堆哂去后楼梯度等. 好彩后楼梯唔系好热, 啲冷气都吹到入去, 而且店长都好有礼貌地向我地道歉. 可能新开张关系啦, 好多人黎到见到咁长龙都仍然照排队. 我会建议大家迟啲先黎呢间野食, 因为排队实在太嘥时间喇.虽然排队好嘥时间, 但系啲野食都真系几好味. 我系外国读书𠮶阵都经常食日本咖喱, 今次可以系呢间餐厅食番读书𠮶阵嘅咖喱味的确令人回味. 之前我试过不断咁揾香港边度有日式蛋包饭食, 结果都徒劳无功, 而呢间餐厅就做到日式嘅蛋包饭, 钟意食日式蛋包饭嘅朋友系值得
当初打电话去想book位, 但系佢话冇得book位, 只可以即场排队. 咁我地就七点钟去到, 谂住咁早都唔会排好耐啦. 点知去到条龙水蛇春咁长, 当初本来谂住放弃架喇, 但见一场黎到, 时间咁早决定去排队. 点知一排就排咗一个钟头. 排队𠮶度仲好衰添, 因为管理处唔比啲客人系门口排队, 要后楼梯排队, 所以所有人就堆哂去后楼梯度等. 好彩后楼梯唔系好热, 啲冷气都吹到入去, 而且店长都好有礼貌地向我地道歉. 可能新开张关系啦, 好多人黎到见到咁长龙都仍然照排队. 我会建议大家迟啲先黎呢间野食, 因为排队实在太嘥时间喇.
虽然排队好嘥时间, 但系啲野食都真系几好味. 我系外国读书𠮶阵都经常食日本咖喱, 今次可以系呢间餐厅食番读书𠮶阵嘅咖喱味的确令人回味. 之前我试过不断咁揾香港边度有日式蛋包饭食, 结果都徒劳无功, 而呢间餐厅就做到日式嘅蛋包饭, 钟意食日式蛋包饭嘅朋友系值得一试.
打开个menu, 咖喱饭嘅种类非常之多, 钟意食牛嘅可是㨂牛食, 钟意食猪扒嘅可以拣猪扒食, 唔食肉类的, 亦可以拣蔬菜. 由于有啲肚饿嘅关系, 最后我拣咗吉列猪扒奄列咖喱饭, 而我朋友就拣咗蚬肉蕃茄奄列咖喱饭. 佢地仲提供咗一个精选套餐, 凡惠顾餐牌上任何一款饭类, 即可以用特惠价选配以下配料: 例汤、沙律、雪糕、同埋饮品. 加十五蚊可以拣二款, 加二十蚊可以拣三款, 而加二十五蚊可以全部四款食哂.
吉列猪扒奄列咖喱饭 - 蛋包饭啲蛋整得好滑, 啲米系日本米来的. 饭系白米, 唔会好似出面啲西餐厅用西炒饭咁搞鬼. 咖喱味好香浓, 完完全全系日本𠮶种咖喱味, 同香港嘅咖喱牛腩系有好大分别. 啲猪扒亦都炸得好松脆, 份量亦都很多. 不过唔知系咪因为多蛋同埋咖喱嘅关系, 我食到一半已经觉得有啲滞.
苹果汁 - 杯苹果汁好细杯, 而且仲加咗冰添. 我睇过个menu, 如果净叫一杯都要二十蚊, 而家我地嗌餐就抵好多啰.
和风杂菜汤 - 个汤好清甜好好味, 饮完之后有一种令人开胃嘅感觉
雪糕 - 杯雪糕有士多啤梨同云呢拿味, 而且雪糕里面仲有士多啤梨同埋椰果, 食落去都真系几好味.
埋单两个人食咗一佰八十七蚊, 如果晚饭黎讲, 每个人只需要九十五蚊, 都算系几抵食, 因为食完之后都有好饱既感觉. 不过始终最衰都系排队啰, 由于香港只系得一间, 我谂打后嘅日子都要排队架喇, 如果真系好想食嘅朋友, 去之前要有定排队嘅心理准备, 如果唔急嘅朋友仔就迟啲先至去试啦.
P.S. 最后我想特别鸣谢, 企喺门口𠮶位女侍应 (应该叫Cheryl, 希望冇串错.), 本来轮到我嘅, 而有两张门口枱, 但系我地唔想坐门口位, 咁啱入面有人埋单, 我问佢可唔可以唔坐门口枱, 之后佢就比我地坐入面了.
张贴
