大宮 (已結業)

放工成日都谂唔到有啲咩想食，所以通常都会嚟APM度拣嘢食！成日都经过呢一间餐厅，而且佢啲选择都比较日式嘅，合我嘅口味！我自己就嗌咗个猪扒滑蛋饭，$60左右来讲个滑蛋都算好好食，而且仲有入晒味嘅洋葱，又唔会好咸。猪扒都几大块，个炸皮亦都啱啱好，唔会好厚。自己就加埋呢一个饺子，饺子食落口好脆身，但都唔会好油。 我朋友就嗌左个鸡扒乌冬，偷咗一啖佢嚟食，个乌冬口感几弹牙，汤嘅味道一般，都唔会好重味精味。鸡扒都好大块，仲有粟米椰菜嘅配菜，都算好多嘢食！仲可以加$12 嗌2旧炸鸡，炸鸡上配有沙律酱，$12来讲都唔算贵。仲有碗面豉汤都几好，入边有啲海苔。