牛極 (大河道) (已結業)

疫情關係，轉流返公同做野，lunch 冇飯腳😓 唯有自私食好dd~一個人都要食石燒!!😆❤️Steak Menu - 牛柳 180g 既牛柳已經好大件！！一切已經感到牛柳有幾軟嫩，輕輕力就輕易切開，見到中間粉嫩粉嫩既狀態！石板好夠熱，稍為煎封2面鎖住肉汁就食得！原味已經好香牛肉味，或者加少少蒜蓉煎香，or點燒肉汁就變左唔同味道啦～🧡跟餐仲可以自助任食前菜沙津同埋湯，仲有白飯任裝！牛肉湯好濃郁，入面仲有d 牛肉粒粒同洋蔥，微微辛～白飯可以自己加芝麻紫菜粉，好加分P.S 呢度係自助售賣機到點餐，日式感up!