軽食堂

营业中

休息中

香港嘅疫情最近呢一两个月变得严重，连带住买好多餐厅同埋零售业都开始有倒闭潮，连我公司附近长期会开嘅餐厅都得返一间麦当劳，今次真系揾食艰难！虽然系咁，但系最近返工嘅途中都见到有啲新餐厅逆市求生，今次呢间餐厅位于香港站，主打做外卖嘅生意，好适合大家可以买返去公司慢慢食唔需要喺街边逗留太耐，今次我一于为大家试吓佢有乜嘢食啦。呢间餐厅主打系日式便当，我自己今次就叫咗日本豚肉咖喱同埋鸡扒咖喱试吓！呢间餐厅嘅白米使用珍珠米，就算我买咗之后隔咗几个钟先叮嚟食，佢都依然保持住粒粒分明。日式咖喱汁入边有萝卜，薯仔同埋洋葱，令到大家就算买外卖都可以保持到营养均衡，增强抵抗力。店舖将豚肉制成汉堡扒，令到成个饭变成日式家庭风味，肉嘅味道好香浓，仲食到有洋葱可以减却肉类嘅骚味，我个人都几推荐！佢嘅鸡扒都唔错，鸡扒预先用照烧汁烹调，为咖喱嘅味道提供两种层次，我自己极度推介记得要加钱买埋佢哋嘅温泉蛋，佢哋嘅温泉蛋超级滑溜之余仲有蛋香，软滑嘅口感绝对为咖喱有画龙点睛嘅效果，大家如果有兴趣记得去试吓啦 ！