影片
更多
2022-10-31
631 浏览
猪软骨七小时煮野菜咖哩饭 $69猪软骨煮得好软腍，软骨都已经变成啫喱状，入口即溶，不过略嫌调味偏咸；野菜有翠肉瓜、萝卜、薯仔、西芹、西兰花、椰菜花同肉豆，冇调味，只系靠个咖哩汁，而个汁就系普通日式咖哩味，唔会辛口。个饭夹杂咗少少黄色，初时以为系鸡蛋，食落应该系南瓜蓉同粟米，甜甜地，几有心思，但饭嘅质感就麻麻，唔系珍珠米弹牙嘅口感，亦唔系粒粒分明，有少少一旧旧痴实哂咁。生姜烧汁牛肋白芝麻汤乌冬 $69汤底似带有淡淡芝麻香气嘅猪骨汤；牛肋肉完全唔韧唔柴，好腍，有牛味，但冇任何调味，生姜只系当配菜咁放上面，略嫌牛肋肉太清淡。乌冬配以大量洋葱同椰菜，每食一啖都会夹到菜，感觉好健康🤣 乌冬粗幼度适中，滑溜，少少弹牙，唔算好烟韧。〰️〰️〰️〰️〰餐厅性价比高，$69蚊而且冇加一，招牌嘅猪软骨系好食嘅，值得一试😋 而且饭同乌冬都有好多蔬菜做配菜，营养好均衡，食落唔会太有罪恶感。餐厅英文名系CAMPER’S，所以餐厅放咗啲camping嘅用品；小店座位唔多，枱与枱之间都冇大多空间，基本上隔离枱讲咩都一清二楚😅 我哋系星期六14:15左右到，前面有3个party等紧，但好好彩等咗5分钟左右就顺利入座，顺带一提
猪软骨七小时煮野菜咖哩饭
56 浏览
0 赞好
0 留言
猪软骨七小时煮野菜咖哩饭 $69
猪软骨煮得好软腍，软骨都已经变成啫喱状，入口即溶，不过略嫌调味偏咸；野菜有翠肉瓜、萝卜、薯仔、西芹、西兰花、椰菜花同肉豆，冇调味，只系靠个咖哩汁，而个汁就系普通日式咖哩味，唔会辛口。个饭夹杂咗少少黄色，初时以为系鸡蛋，食落应该系南瓜蓉同粟米，甜甜地，几有心思，但饭嘅质感就麻麻，唔系珍珠米弹牙嘅口感，亦唔系粒粒分明，有少少一旧旧痴实哂咁。
生姜烧汁牛肋白芝麻汤乌冬
42 浏览
0 赞好
0 留言
汤底似带有淡淡芝麻香气嘅猪骨汤；牛肋肉完全唔韧唔柴，好腍，有牛味，但冇任何调味，生姜只系当配菜咁放上面，略嫌牛肋肉太清淡。乌冬配以大量洋葱同椰菜，每食一啖都会夹到菜，感觉好健康🤣 乌冬粗幼度适中，滑溜，少少弹牙，唔算好烟韧。
〰️〰️〰️〰️〰
餐厅性价比高，$69蚊而且冇加一，招牌嘅猪软骨系好食嘅，值得一试😋 而且饭同乌冬都有好多蔬菜做配菜，营养好均衡，食落唔会太有罪恶感。
餐厅英文名系CAMPER’S，所以餐厅放咗啲camping嘅用品；小店座位唔多，枱与枱之间都冇大多空间，基本上隔离枱讲咩都一清二楚😅
我哋系星期六14:15左右到，前面有3个party等紧，但好好彩等咗5分钟左右就顺利入座，顺带一提，餐厅15:00就落场，想过嚟食就要预返时间。
〰️〰️〰️〰️〰️
食物: 4/5
性价比: 4.5/5
环境: 4/5
服务: 4/5
Revisit: Yes
张贴
