影片
更多
2020-12-23
245 浏览
今次介绍嘅系一间喺旺角嘅居酒屋，店主亲自去日本向一个申子婆婆拜师学做料理，之后就开咗呢间餐厅。男店主特别聘请一啲更新人士，因为自己都系过来人。 店舖主打炸物、丼饭、串烧等，好多食材都系日本直送，而且仲提供任饮清酒嘅套餐。-预约🧍🧍🧍如果系食晚市基本上都一定要book位，当日系食星期日夜晚，大概系星期五打电话去book位，但餐厅都接近full，答覆我只有夜晚6:00或9:00有位，所以如果食晚市建议大家早啲book位。而餐厅午市都会营业，会有啲比较经济啲嘅餐单。-环境🪑装修以深啡色为主，都有日本居酒屋嘅感觉。有两层，首层有吧枱，大概有六个位，第二层就有两张卡位同埋几张枱，大概有30个位。环境偏暗，如果影相会比较唔够光。-1️⃣极上盐烧牛舌芯 💰 108 （👅: 8.5/10）牛舌非常爽口弹牙，因为系攞牛舌嘅芯，如果系牛舌既侧边𠮶啲会好韧，牛舌芯先会有舌头嘅脂肪喺入边，所以一定系最软嫩嘅部份，而且每粒牛舌芯个份量都够大，真正既厚切，食落口感非常满足，牛味充足但唔会过咸，闻到牛嘅香味，将牛舌芯既油脂烧到入哂味。个人觉得系成间铺其中一样最好食嘅菜式。已侧边都有提供柠檬同海盐、葱粒去自行做调味，加咗
今次介绍嘅系一间喺旺角嘅居酒屋，店主亲自去日本向一个申子婆婆拜师学做料理，之后就开咗呢间餐厅。男店主特别聘请一啲更新人士，因为自己都系过来人。 店舖主打炸物、丼饭、串烧等，好多食材都系日本直送，而且仲提供任饮清酒嘅套餐。
-
预约🧍🧍🧍
如果系食晚市基本上都一定要book位，当日系食星期日夜晚，大概系星期五打电话去book位，但餐厅都接近full，答覆我只有夜晚6:00或9:00有位，所以如果食晚市建议大家早啲book位。而餐厅午市都会营业，会有啲比较经济啲嘅餐单。
-
环境🪑
装修以深啡色为主，都有日本居酒屋嘅感觉。
有两层，首层有吧枱，大概有六个位，第二层就有两张卡位同埋几张枱，大概有30个位。
环境偏暗，如果影相会比较唔够光。
-
1️⃣极上盐烧牛舌芯 💰 108 （👅: 8.5/10）
极上盐烧牛舌芯
$108
30 浏览
2 赞好
0 留言
牛舌非常爽口弹牙，因为系攞牛舌嘅芯，如果系牛舌既侧边𠮶啲会好韧，牛舌芯先会有舌头嘅脂肪喺入边，所以一定系最软嫩嘅部份，而且每粒牛舌芯个份量都够大，真正既厚切，食落口感非常满足，牛味充足但唔会过咸，闻到牛嘅香味，将牛舌芯既油脂烧到入哂味。
个人觉得系成间铺其中一样最好食嘅菜式。
已侧边都有提供柠檬同海盐、葱粒去自行做调味，加咗海盐更加带出牛本身嘅味道。
-
2️⃣水母刺身 💰 88 （👅: 6.5/10）
水母刺身
$88
60 浏览
2 赞好
0 留言
质感有啲似海蜇，但比海蜇硬少少。
味道本身就冇咩，系要点𠮶个柚子醋先会有味。
个人觉得系一个体验菜，唔可以称得上系好食嘅菜式。
-
3️⃣吉列千层豚肉卷(三重芝士) 💰 228 （👅: 7.5/10）
吉列千层豚肉卷(三重芝士)
$228
15 浏览
2 赞好
0 留言
用好多块猪腩片叠住包住啲芝士一齐炸，以我嘅理解就系千层绵，店主话系一个日本婆婆将个秘诀话俾佢知，然后店主自己领悟研究整出嚟。
炸衣唔算厚但系一夹上碟之后会见到同肉分离。
吉列千层豚肉卷(三重芝士)
$228
23 浏览
3 赞好
0 留言
芝士多度可以拉丝，但同时我觉得最大嘅败笔系落咗芝士，芝士实在太多食唔到猪肉嘅味，猪肉鸡肉味完全比芝士盖过咗，做法好花巧但系味道唔系惊人。而可能因为份量大而且落咗好多芝士，食落会有啲油腻感。
碟上都有提供日式炸猪扒酱汁同埋美乃滋。
我有喺香港食过类似嘅不过冇落芝士，但系好食好多而且𠮶间嘅千层猪肉好食到猪肉嘅味道。
-
4️⃣明太子芝士山药 💰 58 （👅: 6.5/10）
明太子芝士山药
$58
38 浏览
2 赞好
0 留言
山药质感似苹果，咬落系爽口，但味道唔算好特别。
明太子系黑鱼子，芝士系经过火炙烧到热熔熔，入口会食到芝士味先然后食到明太子味，配搭好特别但味道唔算有惊喜。
-
5️⃣烧油杨腐皮 💰48 （👅: 6.5/10）
烧油杨腐皮
$48
13 浏览
2 赞好
0 留言
会食到酱油味，表皮系脆口，但个人觉得味道未到好有惊喜。
-
6️⃣海胆炒饭 💰178 （👅: 7/10）
海胆炒饭
$178
17 浏览
2 赞好
0 留言
海胆系采用北海道根室海胆，份量系足够攞海胆去食每啖饭。
因为我个人唔系话非常之钟意食海胆，所以我只可以接受非常新鲜嘅海胆，食落去觉得唔够新鲜，系比较普通嘅海胆。
而炒饭系比较粒粒分明不过偏湿，饭嘅上面有啲咸鲜嘅蟹籽、香菇，再加上酱汁，食落去偏咸。
-
7️⃣鳗鱼天妇罗 💰168 （👅: 8/10）
鳗鱼天妇罗
$168
10 浏览
2 赞好
0 留言
鳗鱼系好少用来做天妇罗，系比较创新嘅菜式。
炸粉厚度适中，唔会话系食紧炸粉，揸得非常香脆，但食落又唔会好重油腻感。
虽然系炸但系入边嘅鳗鱼质地保持到嫩滑，而唔会因为炸令到入边冇晒水份，鳗鱼本身已经有酱汁先再攞去炸，所以味道系足够而且系juicy。鳗鱼本身都厚身唔系薄切，所以食落口感都满足。
上面有萝卜蓉可以点，个人觉得都系店舖其中一样好食嘅菜式。
-
8️⃣千层蛋糕 （👅: 6/10）
千层蛋糕
24 浏览
2 赞好
0 留言
味道系抹茶味，好普通嘅味道，唔算特别好食嘅抹茶，抹茶味都唔算浓。
但败笔系千层蛋糕唔似千层，咬落似石头，有啲似Donki嘅千层蛋糕，完全唔会识到每层嘅层次感同埋松化嘅饼皮。
-
9️⃣抹茶心太软 💰78 （👅: 6/10）
抹茶心太软
$78
38 浏览
2 赞好
0 留言
抹茶嘅味道冇问题但系比较普通，但败笔系心太软个外皮太硬，唔系外脆内软，而个流心亦都冇做到出色，温度唔够而且味道唔够。
-
🌟个人觉得最推介嘅菜式系极上盐烧牛舌芯同鳗鱼天妇罗，其他嘅菜式比较一般而且价钱唔平，建议除咗呢两个菜式试吓其他嘅菜式，比较多人叫嘅有牛柳粒、玉子、蟹粥、串烧等。以今餐来讲价钱有啲对唔上个味道，要好识叫先可以值返个价钱。
-
👅味道: 7.5/10
🍴环境: 7/10
💰消费: $350人均 (服务费: 10%)
张贴
