睿居酒屋 (已結業)

朋友最近搬左去大坑，今晚去探朋友贺佢新居入伙，朋友就带我去食好野。呢间居酒屋你大坑出名高质，而且门口仲有个日式庭园，充满日本风味。酱油枝豆前菜系枝豆，第一次食枝豆，用酱油煮带少少咸味而又唔会盖过枝豆既甜味。柑橘醋海蜇柑橘醋好香，酸酸地好开胃，海蜇口感爽脆。深海池鱼薄切平时好少食池鱼，但店员极力推荐，就一于试下，估唔到咁鲜甜，虽然薄切，但食落都好有口感，配埋酸酸地既酱汁同好特别既WASABI，食到停唔到口。赤身寿司、带子寿司、白虾寿司寿司既配搭都好有心思，赤身配左少少姜，带子配左炭盐，炭盐第一次食，盐味唔会好咸，但又可以带出带子既鲜味，白虾就配左啫喱酸汁。西京烧银雪鱼第一次食到咁滑既银雪鱼，烧完好香，外皮好脆。芝士免治鸡肉棒芝士处于半溶状态，而且好厚身，好香浓既芝士味，免治鸡肉唔会烧到好干。鳕鱼鱼面呢款又系店员推介，期间限定，MENU暂时未有，第一次食用鳕鱼整既面，好弹牙，汤底好清甜，果然冇介绍错。