侍元

营业中

休息中

收工去屯门练习前又约老友食个晚饭先，谂住行下睇下有咩平民价既食店，乱行之际经过呢间侍元系食日式野，老友见到d蛋包饭话有兴趣就黎一试，门口都贴左好多食物相片同价钱，主要都系以平民价既日式料理吸引。餐厅行快餐店形式，先系门口落单之后再等取食物，可以先坐底睇完餐牌再点餐都得，比较简单，店内格局就比较细，但坐位都唔少都超过10张枱，不过位与位之间都比较近d，人多时应该都几迫，餐点方便都几多选择，有饭有拉面，仲有d小食。滑蛋吉列猪扒饭跟炸饺子落单后等大约8-10分钟左右，虽然行快餐形式但食物系新鲜制作，吉列猪扒新鲜炸起外皮都脆，系肉质我觉得硬左dd，炒滑蛋质素唔错几滑，捞埋饭食好香，饭系用珍珠米，虽然睇落好似好细碗但压得好实，份量都几多，我最后都食剩几啖饭，跟餐我选择左小食炸饺子，饺子就普通啦无乜特别，饮品选择唔多得汽水冻柠茶冻柠茶都系一般般。黑豚肉海军咖哩蛋包饭跟炸饺子老友拣左蛋包饭，蛋同样都系几滑，饭量都系几多，老友算大食既人都话食得好饱。整体黎讲以呢个价钱食日式野都叫平民价既，质素普通但都算系即叫即做，想平平地食下拉面或丼饭都可以一试。