Villa Villa (已結業)

大角咀一带夜晚灯光火着，食肆种类繁多，今次选择咗呢间比较新式嘅日式意式fusion菜试下。店外望入去已经俾佢嘅装修吸引住，与一般café比比较光猛，感觉干净舒服。以平日晚上而言，店内客人都不少。食物方面，我同朋友就点左凯萨沙律、鹅肝多士、双层芝士脆薄饼同埋玫瑰花乳酸特饮。凯萨沙律生菜作底，上面舖住满满芝士粉，加上风干火腿同埋烟三文鱼，味道视觉都满足到。而店员仲特别推介餐厅自己焗嘅蒜蓉包，可惜本身唔系蒜蓉爱好者，试落觉得蒜味十足，喜爱蒜香嘅食客应该会几钟意。鹅肝多士系厚厚嘅意式面饱上面，加上一块煎至金黄色嘅鹅肝，卖相都已经令人流哂口水。食落口都完全冇失望，鹅肝浓浓嘅油香一咬落去就散发出来，而意式面饱刚刚与油腻嘅感觉平衡返，系很好嘅配搭。双层芝士脆薄饼呢一款薄饼可以加钱选配料，我地选择左水牛芝士同埋烟三文鱼。后来发觉本身嘅双层芝士已经极厚，个人建议可以唔加水牛芝士而选择其他配料。刚刚焗出来嘅双层芝士份量十足，轻易做出邪恶拉丝🤣🤣。而食落口厚厚嘅芝士同脆口嘅薄饼底，一软一脆，口感丰富。玫瑰花乳酸特饮饮品睇落几靓，乳酸饮品上洒上玫瑰花碎。味道都唔错，但个人觉得玫瑰花味不太重。同员工口中得知，餐