麵屋一平安

营业中

休息中

朋友推介呢间小店，地方非常隐蔽但平日晚上到访都好多客😱 呢度主打日本九州长崎拉面，开业至今足足30年，装潢以昭和年代怀旧风为主，出面仲有唔少漫画，十分特别😂嚟得呢度一定要食返碗拉面，叫咗最基本嘅豉油味，汤底清甜可口，唔咸，饮完都唔会觉得口干、面条软硬度适中，挂汁、搭配多款配料，感觉都唔错，但整体份量偏少，男仔未必够饱～ 铁板大阪风炒面有惊喜，上枱时热辣辣，咋咋声冒晒烟咁，见隔离几台都有叫，果然有啲料到、炒面湿润度啱啱好，酱汁咸咸地，惹味十足，如果有多啲配料就好啦😆滑蛋炸猪排卖相出色，炸至外脆内嫩，滑蛋够滑，配上粒粒软糯可口嘅珍珠米，唔觉唔觉就清光！想健康啲嘢可以叫炒海鲜野菜，海鲜份量比想像中多，煮至软身又入味，要多碗白饭啊唔该！