金田家 (已結業)

虽然日式拉面店于香港已经接近梗有一间喺左近，但各面店均有名自秘方烹调香浓汤底，再加入各式配菜与或粗或幼的拉面，又真系百吃不厌，一转眼又想食过返寻味。今次到位处红磡湾中心品尝嘅金田家面店，店面唔算大，所以要等候大约十五分钟至有位。店外等候时见招牌标示日本本土多年攞奖，睇落都有啲来头。入店座底填完纸仔倾唔够两句就有得食，自己食𠮶份嘅 黑豚拉面 面条幼身，普通硬度够弹牙，沾上香浓胶原丰富邨猪骨汤底，点有可能唔好味，真系食到连个汤汤饮晒。伴菜香葱黑木耳增添香口及爽口快感。跟汤面上嘅黑豚叉烧味香肉嫩肥瘦适中，美味嘅薄叉烧多叫另一碟完全系正确嘅选择。额外追加嘅溏心蛋就接近处处味道一样，不过无咗佢就唔似一碗日式拉面。男爵薯饼用紫心番薯制作，卖相吸引，味道香甜，薯饼内肉量唔算多，建议唔点酱料就咁食会较易食出味道。