影片
更多
2018-08-28
41 浏览
食评：今日约左fd去大埔，lunch唔知食咩好，见到有间拉面铺派传单话有lunch set，所以就试下。间野系巷仔入面，门口有个大灯笼写住豚骨，一入去就听到播紧怀旧日本歌，好有feel，好似去左八十年代既日本食野咁。我叫左个日本博多豚骨拉面，单点$75但lunch加多$5就可以转set，会多个小食同埋汽水。小食可以拣小丸子或者饺子，我地拣左饺子，而汽水除左可以拣咩可乐七喜𠮶啲之外，重可以拣罐装定玻璃樽装。大家都知玻璃樽装好饮好多，所以见差唔多全场都系拣玻璃樽装。另外重叫左个什锦天妇罗、和风鸡软骨同埋酥炸多春鱼。系讲野食之前，首先要赞下佢杯水，呢间餐厅系斟冻既柠檬水，系炎炎夏日一坐低就饮到冻柠檬水，真系好清凉！之后就逐一点评下啲野食。1.拉面拉面可以拣香滑或者特浓(+$8)，葱、蒜、面既硬度都可以自己拣，重可以追加配料，加面底都系加$10，大食既可以加埋。今次我拣左香滑汤，但我觉得浓度ok，好香猪骨味，同埋我钟意佢只拉面系幼面，煮得啱啱好，一啖面一啖汤咁食，食到干干净净。而配料方面只溏心蛋同埋猪肉都好高质，溏心蛋蛋味好食，又唔会太熟，猪肉唔算好厚，因为佢有先烤过，所以好香口。唔知呢只算唔
今日约左fd去大埔，lunch唔知食咩好，见到有间拉面铺派传单话有lunch set，所以就试下。间野系巷仔入面，门口有个大灯笼写住豚骨，一入去就听到播紧怀旧日本歌，好有feel，好似去左八十年代既日本食野咁。
我叫左个日本博多豚骨拉面，单点$75但lunch加多$5就可以转set，会多个小食同埋汽水。小食可以拣小丸子或者饺子，我地拣左饺子，而汽水除左可以拣咩可乐七喜𠮶啲之外，重可以拣罐装定玻璃樽装。大家都知玻璃樽装好饮好多，所以见差唔多全场都系拣玻璃樽装。另外重叫左个什锦天妇罗、和风鸡软骨同埋酥炸多春鱼。
系讲野食之前，首先要赞下佢杯水，呢间餐厅系斟冻既柠檬水，系炎炎夏日一坐低就饮到冻柠檬水，真系好清凉！之后就逐一点评下啲野食。
1.拉面
拉面可以拣香滑或者特浓(+$8)，葱、蒜、面既硬度都可以自己拣，重可以追加配料，加面底都系加$10，大食既可以加埋。今次我拣左香滑汤，但我觉得浓度ok，好香猪骨味，同埋我钟意佢只拉面系幼面，煮得啱啱好，一啖面一啖汤咁食，食到干干净净。而配料方面只溏心蛋同埋猪肉都好高质，溏心蛋蛋味好食，又唔会太熟，猪肉唔算好厚，因为佢有先烤过，所以好香口。唔知呢只算唔算正宗既拉面，但起码我觉得好食。
2.饺子
跟餐有两只饺子，皮煎得好靓，个馅不过不失，但跟餐价食都几抵食。
3.酥炸多春鱼
我不嬲都钟意食多春鱼，但以前都系食开煎，今次第一次试炸，原来炸都几好食。最正既系可以成条食晒，头、尾、骨都食晒，正！
4.和风鸡软骨
和风鸡软骨原来系炸鸡软骨，上碟既时候有配埋沙律酱，可以中和油腻咁。但我有试过用天妇罗个汁点鸡软骨，我觉得重衬过沙律酱，如果以后有人同时叫左呢两样可以试下。不过我个fd话钟意点沙律酱多啲，各花入各眼啦。
5.什锦天妇罗
想食天妇罗但又唔个食边只好，就叫左个什锦天妇罗，咩都有啲可以试下。呢间野炸物都做得几好，天妇罗当然唔例外啦，炸粉唔会太厚，炸既时间亦掌握得好好。而且佢个天妇罗汁系暖暖地既，睇得出系有心预备过，唔系求其倒出黎就算。咁多只天妇罗我最钟意南瓜天妇罗，下次我要叫成碟南瓜天妇罗慢慢食！
补充：有张枱都有七味粉、饺子汁、芝麻同腌芽菜，但我挂住食野咩都无试，下次希望试下个腌芽菜。
张贴
