風雲丸 (已結業)

寻日男朋友接完我收工之后去左湾仔食饭，我地拣左风云丸食沾面，我其实系第一次食沾面，之前真系无食过，我就叫左一个石烧肉盛豚骨鱼介沾面，呢个面有4旧大大旧的豚肉，好满足好自愈，而且仲可以免费加大400g，保证不同食量的朋友都一定可以食得饱。落单之后等左一阵，就已经有面到啦，唔会要等好耐，石头锅上面的系非常浓郁而且热腾腾的汤底，用嚟点沾面真系最好不过，因为可以令到所以面条都沾有浓郁的汤，同一般汤面唔同，发现其实沾面真系几好食，而且个汤底因为用石头锅的关系，可以keep温好耐，同埋汤底的鱼介味都好够，系不错的。呢个肉盛沾面的豚肉有成4旧，旧旧都大大旧，其实食两三旧都已经好饱。平时啲面的配菜未必太多，不过风云丸的沾面都配有两大旧笋，我觉得都ok，当然多啲就再正啲。