兄弟幫食堂 (已結業)

日式放题就食得多，串烧放题食过未？平时同朋友两个人去食串烧闲闲哋都五六百蚊卖单，香港竟然有任食串烧！当然要去试吓啦。环境位于上海街，朗豪坊后面，地理位置都唔难找，餐厅属小店，但座位都坐得舒适。餐牌我哋食Plan a，90分钟任食串烧、和牛、海鲜、小食 $268+10%。串烧类差唔多每款都有试，当中烧鱿鱼须串、烧鸡泡鱼干、烧阿根廷红虾火炙叉烧、烧鸡肾、烧靖鱼柳都系我心水之选。烧鸡泡鱼干系我个人喜爱，上枱热辣辣，口感松软又不缺烟韧，仲要味道好甜，我好中意。另外，我自己本身好钟意烟肉荔枝嘅配搭，荔枝嘅清甜可以中和烟肉嘅油腻，两者配搭恰到好处。火炙叉烧属日式拉面果款，薄得嚟唔韧，烧靖鱼柳系原条上咁制，份量好多，钟意佢无乜骨之余，肉质嫩口。海鲜类Plan a嘅选择相对上较少，但我钟意食嘅都有，烧阿根廷红虾、烧蚝、烧扇贝。阿根廷红虾好大只，火候十足、烧蚝可以拣蒜蓉味或者芝士味，两款都试齐晒，美中不足系有少少沙，烧扇贝正常。蔬菜类原条茄子、烧菠萝、烧韮菜、烧娃娃菜、烧虎皮尖椒、冬菇串。原条茄子可选川烧/和式，有时自己食放题都会嗌烧韭菜，但系次次都唔识烧，呢度烧埋上枱就有得食，烧虎皮尖椒都会有少少辣度