影片
更多
2019-05-17
1805 浏览
记得好耐之前食过呢间o既自助韩烧,印象都唔错,今日去睇完戏揾野食时见到佢而家仲做埋日本放题,日式加韩式任食都系二百几蚊位,又几抵㖞!即刻入去睇下有咩食先!餐厅用app自助落单,好方便,好过用平板落单,唔洗争丫嘛,一个QR CODE可以同时比几部电话落单。如果唔识用电话落单,应该可以问职员拎纸仔填,因为隔黎台对公公婆婆都系填纸仔。刺身寿司果D都几多选择,虽然都系大路野,但都OK,新鲜无雪味。呢度冇好靓o既剌身盘但系碟细细够实际,因为本身张台中间已经有个炉,再用咁大o既盘装刺身就冇乜位摆其他野食lu最不得了系个赤贝同海胆手卷! 赤贝刺身同出面D放题唔同,呢种赤贝刺身劲肥厚!超级爽口!忍唔住叫左40片!睇相就知,真系厚得交关,口感控o既我实在食到停唔到口另外就系个海胆手卷,海胆都属于贵价食品,呢度有得食之余仲要好豪气! 以前o系其他放题食过海胆手卷,饭就多喇,海胆就得果一片仔放o系面,但系今次食到o既手卷,d海胆竟然落到底,呢个系有少少惊喜o既。其他野有和食,炸物,小食,天妇罗等等,基本上放题应该有o既野食都有,虽然款式唔系话劲多,又唔系特别花巧,但选择都足够。天妇罗即叫即炸,上餐果阵食物都
餐厅用app自助落单,好方便,好过用平板落单,唔洗争丫嘛,一个QR CODE可以同时比几部电话落单。如果唔识用电话落单,应该可以问职员拎纸仔填,因为隔黎台对公公婆婆都系填纸仔。
刺身寿司果D都几多选择,虽然都系大路野,但都OK,新鲜无雪味。呢度冇好靓o既剌身盘但系碟细细够实际,因为本身张台中间已经有个炉,再用咁大o既盘装刺身就冇乜位摆其他野食lu
最不得了系个赤贝同海胆手卷!
赤贝刺身同出面D放题唔同,呢种赤贝刺身劲肥厚!超级爽口!忍唔住叫左40片!睇相就知,真系厚得交关,口感控o既我实在食到停唔到口
赤贝刺身
18 浏览
0 赞好
0 留言
海胆手卷
33 浏览
0 赞好
0 留言
其他野有和食,炸物,小食,天妇罗等等,基本上放题应该有o既野食都有,虽然款式唔系话劲多,又唔系特别花巧,但选择都足够。
天妇罗即叫即炸,上餐果阵食物都仲系烫口,呢度有天妇罗软壳蟹,出面好似比较少见
比目鱼o系出面食都系唔平,呢度有得食,烧得刚刚好
比目鱼
26 浏览
0 赞好
0 留言
吉列蚝,大路野,唯一要投诉o系职员直接将沙律酱o即o系蚝上面,想整都整唔走...
葱烧牛肉寿司
自助小食有墨鱼咀,八爪鱼,螺肉,中华沙律,木耳,青瓜等等..自己夹o既
烧烤方面烧肉选择都颇多下,我记得上次黎,未有放题都系食呢d野,并无将价就货,推介蒜盐五花腩同牛仔骨,腌得好好味! 自助调料吧有好多酱可以自己拎,食烧肉配柠檬醋可以消除油腻感。
甜品选择唔多,有d果冻奶冻蛋糕咁样,如果有多d款式仲好。
反而雪条雪糕劲多款㖞.....雪糕杯,大脚板,朱古力批,仲有melona雪条冇影到,不过太饱喇乜都冇食到
饮品款式又系多到吓死人,三个饮品柜入面o既野饮系冇重覆!啤酒汽水果汁茶乜都有,然后饮品机仲有果汁先生o既蜂蜜雪梨同橙汁,仲有清酒任饮...会唔会多得有d夸张,不过如果想饮热野,就得绿茶.....
总括黎讲虽然佢夜题野食未算劲多,但系睇得出餐厅系有花过心思,而且一d都唔孤寒,食物足料,比好多之外亦食到一d贵价食物例如羊架,海胆,比目鱼等等。我会话呢间餐厅系贵精不贵多。
上餐速度都几快,冇漏单,职员收碟都快,唔会食到一台都系吉碟但冇人收。日式加韩式任食的确满到选择困难症o既人。
用餐环境劲阔落,台大走廊阔,台同台之间距离大,食得比出面舒服好多
不过甜品选择较少,泡芙,芝士蛋糕都好似冇,希望迟d会有啦!
另外,如果唔钟意饮有糖饮品o既话就只能选择绿茶同coke zero。
二百几蚊都算抵食o既,而且将军澳都冇乜放题食,有机会会再来!
张贴
