浪人日本料理 (已結業)

出名为食既我近期少吃放题，怕长肉又想吃精致点~见奄尖同事介绍呢间日本放题，又心旭旭想试~ 趁圣诞前夕又有藉口放肆一下!$328无限时任食，经openrice订台仲有95折~跟其他放题不同，呢度计采用半自助餐形式。近入口位置系甜品区，入面仲有冷盘区、寿司刺身、烧物、热汤饮品都系自助式。店长安排好坐位，已经急不及待出去拎食物~冷盘区除了平时放题有既日式沙律冷面，仲有酒店自助餐常见既cold cut、凯撒沙律、泰式刺身虾都有~睇住寿司师傅即做既手握寿司，款式多仲不时转款，比平时喺放题纸点既更多款，见最爱既海胆、帆立贝、𩽾𩾌鱼肝寿司都有，当然要先取下刺身部份除了有基本的三文鱼希灵鱼甜虾，仲有剑鱼腩油甘鱼帆立贝，肥美新鲜~食寿司刺身当然少不了清酒，呢度连梅酒都有。唔饮酒既朋友可以拣罐装汽水饮品～仲有香喷喷既烧物，华味鸡、烧菠萝，仲有烧得好juicy既羊架、和牛串都系不能错过的~羊架仲系人气之选，经常见人龙!食完一转自助吧，系时间点放题纸上既食物～一如以往既任食攻略，会先点海鲜类，又点少得烟肉焗生蚝，黄金带子系混合左千岛酱，焗得好香!天妇罗亦够酥脆，本来只系每款点两件，点知黎多左，最后因为太香口都