影片
更多
2009-08-19
18 浏览
因为工作关系，认识朋友越来越多，加上多年累积有好多唔同机会，可以经常四围揾食，而家被朋友讲：「你个口真系越来越会食，重好有要求吓㖞。」喂！其实我个口又真系好公正架㖞，唔好食夹硬食真系对自己唔住架，唔通同自己有仇咩，你估真系免费就要夹硬吞咩！要俾钱架！哈哈而且每餐饭食得有水准又开心，确实真系人生一大快事㖞！以前读书，会有读书报告而家每餐饭，会有(饭后(正)人)报告，哈哈收到个好朋友嘅电话，约今晚一齐食放题，去对方曾经多次推介，位于湾仔、兰杜街的一间叫做(浦和)的日本料理，(星期一至星期四 $188加一 星期五至星期日 $198 加一)因为自己有早到习惯嘅关系，所以既然要等，不如边吃边等，无谓浪费时间，哈哈！点解冷气唔够，出汗㖞，咁会影响食欲架！我一坐低就立即落单要一个杂锦寿司拼盆先，因为最简单，一次过就可以试哂所有鱼生，顺手睇一睇个师父有冇诚意。等左一阵，好明显睇得出师傅好有心机去堆砌e份一人分量嘅杂锦寿司拼盆。可惜，点解冇明虾、又冇赤贝嘅？不过，有一只非常爽口而且好有鲜味嘅马刀贝，可以暂时取代赤贝嘅地位，哈哈所有鱼生都非常新鲜，三文鱼腩嘅鱼油同鱼香兼备入口即溶，可以食完立即再落单，哈
而家被朋友讲：「你个口真系越来越会食，重好有要求吓㖞。」
喂！其实我个口又真系好公正架㖞，唔好食夹硬食真系对自己唔住架，
唔通同自己有仇咩，你估真系免费就要夹硬吞咩！要俾钱架！哈哈
而且每餐饭食得有水准又开心，确实真系人生一大快事㖞！
以前读书，会有读书报告
而家每餐饭，会有(饭后(正)人)报告，哈哈
收到个好朋友嘅电话，约今晚一齐食放题，
去对方曾经多次推介，位于湾仔、兰杜街的一间叫做(浦和)的日本料理，
(星期一至星期四 $188加一 星期五至星期日 $198 加一)
因为自己有早到习惯嘅关系，所以既然要等，不如边吃边等，无谓浪费时间，哈哈
！点解冷气唔够，出汗㖞，咁会影响食欲架！
我一坐低就立即落单要一个杂锦寿司拼盆先，
因为最简单，一次过就可以试哂所有鱼生，顺手睇一睇个师父有冇诚意。
等左一阵，好明显睇得出师傅好有心机去堆砌e份一人分量嘅杂锦寿司拼盆。
可惜，点解冇明虾、又冇赤贝嘅？
不过，有一只非常爽口而且好有鲜味嘅马刀贝，可以暂时取代赤贝嘅地位，哈哈
所有鱼生都非常新鲜，三文鱼腩嘅鱼油同鱼香兼备入口即溶，可以食完立即再落单，哈哈
我食鱼生习惯点小量日本芥辣，然后再点小小日本豉油，因为日本芥辣同日本豉油过多，就会盖过鱼生本身嘅鲜味。
之后，朋友终于到，正式开始今晚日本放题！哈哈
首先来一个,鱼生船
仍然水准之作，卖相非常吸引，坦白讲：我真系好感觉到，师父好有诚意去做只鱼生船，而且已经系第三次落单叫杂锦刺身啦㖞！仍然系比足心机！GOOD！
然后有两只送嘅鲍鱼
首先讲下个卖相先，哗！送鲍鱼㖞！会吸引你立即试一试好唔好味，哈哈
我形容下个鲍鱼系乜嘢味道先，我第一时间谂到豉油鸡，师傅用左酱油、糖去烹调，如果能够做得比较软熟，相信会更加吸引我。
再来软壳蟹手卷同加州手卷
外表卖相吸引，可惜软壳蟹已经失去软壳蟹应该有嘅柔软度，相信因为用过多嘅粉去炸令到软壳蟹相对变得硬实实，我本身非常喜欢食软壳蟹，所以对软壳蟹比较会有要求，哈哈
海老天妇罗
南瓜天妇罗
番薯天妇罗
同样问题，用太多粉去炸，而且粉会吸油，不过，虾本身好新鲜！有待改善。
清酒煮蚬
有水准,有酒香蚬肉仍应保持柔软度，时间好制得非常好。
集锦寿司
特别值得一提，我想要一次过试哂所有款式，但我又唔想浪费食物，特的要求饭要细旧Ｄ，对方一样答应，因为所有寿司都系即时制造，一定唔会预先做好，
而且仲系做得好有诚意，哈哈GOOD
牛油炒杂菌
朋友最爱，属于个人喜好，哈哈
盐烧鸡软骨串
OK
汁烧和牛串
和牛粒加上番茄仔啱啱好，唔错
盐烧猪颈肉串
OK
另外我叫了两次马刀贝刺身
好明显我对马刀贝情有独钟，而且肯定够爽口鲜味，哈哈
最后因为朋友系老主顾嘅关系特别送上红豆绿茶雪糕
哗！一向都知道红豆绿茶系绝配，佢哋d红豆煮得非常粉入口即溶，而且里面完全充满糖分，配合绿茶雪糕简直一绝！GOOD
最后，希望下次冷气能够改善，相信会再来帮衬。
张贴
