大井町日式放題 (已結業)

未讲放题食物之前，我首先要赞下几样周边事项:1) 楼下派传单果位姐姐好落力呢位姐姐嘅敬业态度真系值得一赞!虽然我地已经订左位，不过我喺楼下等老公时，遇到呢位姐姐向我派传单，仲介绍埋唔同时段收费及6位送1位嘅优惠! 呢个就系楼下影嘅价钱宣传牌！姐姐咁热都一样咁落力架！2) 餐厅用餐环境光猛个人感觉，我好怕食放题嘅地方灯光偏黑暗，难得呢度灯光够，食饭都食得精神D!!3)餐厅位置方便，扶手电梯直上大井町位于大鸿辉荃湾中心3楼，之前睇过报导，知道呢度食肆林立，每晚排队等搭lift去餐厅实属等闲事。好在呢间放题喺3楼，沿扶手电梯可以直上架! 咁就唔怕要花时间等lift啦!至于放题质素方面，我觉得各有千秋:1)刺身有赤虾供应除左基本刺身类之外，呢度有赤虾刺身，质素算OK；另外三文鱼算厚切，呢两款唔错!2)烧物同炸物选择多呢度有好多张点菜纸，其中烧物同炸物各有一张；烧物黎讲，烧鸡翼、盐烧鲭鱼同蒜香翠玉瓜都几好。厚厚的翠玉瓜烧得juicy，又热辣辣!炸物之中我最钟意食芝麻鸡翼，够香口!3)上菜速度快每次写完点菜纸后，食物好快就送到!全晚黎讲，只系临尾漏左怪味辣蚬一项，反正都饱饱地都冇所谓啦!4) 罕有