八幡屋涮涮鍋 (已結業)

油塘大本型商场 food court 前排大装修，装修之后进驻咗好多新餐厅。最近天气凉凉地，梗系去打返个边炉。八幡屋涮涮锅系其中一间新进驻嘅餐厅。放题分两款: 火锅放题 / 日式料理+火锅放题 而价钱就视乎你食乜嘢牛肉，今次我哋拣咗日式料理+火锅放题嘅澳洲和牛 $318/位 (星期一至四)汤底有8款选择， 都算几多~我哋拣咗骨胶原猪骨汤，清清地等紧汤底滚时，叫咗啲刺身食住先~我哋每款都有叫两件试试，刺身都算新鲜，但有啲就仲未解得到冻。有酱料区，可自助混酱连汤底都好自助，唔够可以自己拎一渣入去自己加。个餐包一碟澳洲和牛，而其他款嘅牛肉可以任叫。澳洲和牛味道较浓，特选美国牛肉比较有口感。海鲜方面有生蚝、蛏子、东风足够螺、蚬、海虾、墨鱼滑同花胶仔。海鲜都几新鲜，见到啲蚬仲识郁，蛏子同东风螺鲜甜。海虾肉质弹牙而基本嘅丸类同菜类方面，可以自助形式去冻柜度攞。饮品同甜品方面，亦都有另外一个冻柜可以自取。烧物方面最推介系香芋丸同烧菠萝。自己本身都好钟意食香芋~呢度烧物同天妇罗仲要系即叫即整热辣辣，烧菠萝亦唔错，有层薄薄嘅焦糖系菠萝面，令菠萝味道提升。天妇罗炸粉薄，热辣辣唔错。甜品仲有雪糕同雪条。