十八夢

铜锣湾有间叫十八梦既日式餐厅，呢度装修好有枱调情调之余，食物都好靓好好食！松叶蟹肉水菜米纸卷🫔米纸卷唔系件件一样，有啲有七彩脆脆，有啲有水菜，但件件都有满满蟹肉，可以点埋芥末酱食，更加香口，就咁食就好fresh，好好味！𩽾𩾌鱼肝🐟鱼肝摆得好靓，有鲜花伴住，又有啲菊花碎，好似盆栽咁，鱼肝用牛奶浸过，更加滑嫩，鱼味好浓，唔会太腥，用柚子伴住黎食几清新添！法国蓝脚鸡卷配忌廉芝士惹菌卷😽一上碟就被佢既外表吸引，鸡卷整得好靓，完全无散开，伴碟既脆片再点缀佐成碟菜式。作为手工菜既鸡卷外皮炸到香脆，入面包住粉嫩软腍既鸡肉同埋香浓既忌廉芝士杂菌，味道好夹，口感好好，完全唔会觉得油腻饱滞！