碗盛 (已結業)

经过天后，实在太多嘢食，平时去开上品打边炉，今日经过，见到另一半开咗新嘅餐厅，系日本嘅餐厅，门面装修得非常华丽，好日式，所以就入咗去食😋一入到去，全间店都系用木色为主，另外有一间房系有榻榻米，我哋好好彩咁有得坐，但入边要除鞋嘅，感觉都几新鲜，一间房只有两张枱，都几有私隐度㗎😍🍴 日本酱油淮山溃 / 豆腐🍴冷盘有呢两样，比较欣赏豆腐，豆腐嘅酱汁好好食，有酸酸甜甜嘅味道，应该系柚子汁，而且豆腐唔会一夹就烂，有一定嘅硬度，唔错👍🏻🍴 吞拿鱼腩碎配日本宫城海胆/ 三文鱼🍴三文鱼刺身极度后设，又肥美，好鲜甜。海胆采用日本海胆，冇马粪𠮶种腥味，吞拿鱼碎用咗胡椒粉，感觉唔会好腥😋🍴天妇罗🍴有虎虾天妇罗，及番薯天妇罗，即叫即炸，上到枱都系热嘅，炸粉唔会好厚，番薯都甜嘅，不过不失😄🍴 肥牛寿喜烧🍴极多肥牛，而且配料十足，包括有蒟蒻，菜，菇等等，Sukiyaki汁都够甜，略嫌有少少多汤，因为开火嘅时候太多嘅配料，有少少滚泻😌不过在下唔介意食多啲嘅🤭🍴 原条百本花鱼一夜干🍴要赞一赞呢条鱼，非常之滑，而且皮都好食，骨唔会好硬，但都好分明，都容易挑啲骨出嚟，再落埋柠檬汁，酸酸地配埋烧鱼嘅味道， Perfect