影片
更多
2023-10-13
1378 浏览
餐厅：Boon (观塘)地址：观塘巧明街106号冠力工业大厦2楼1号舖继续将「Boon」嘅恩赐传承落去💕观塘工业区呢间开咗两年几嘅Boon @booncuisine ，喺啱啱9月原区搬咗新地址——冠力工业大厦2楼。为咗延续自家研发、出面食唔到嘅高质素日式法国菜🇯🇵🇫🇷，新店保留咗人人食过都大赞嘅人气招牌菜式，仲加入咗一啲意想唔到嘅新惊喜新菜式🎉，识食之人绝对唔可以错过😍由旧址搬过嚟新店，踏入门口就感受到Boon旧有嘅小清新气息🥰，空间同环境更加大，坐得更加舒服，梳化櫈真系冇得输🛋️；另设有包房，可以同时容纳更多食客，甚至包场搞Event都一样得✨✝️明太子酱薯条 $58boon嘅招牌菜之一，将满满嘅自家制明太子酱倒上即叫即炸粗薯条上面，每啖食落香脆热辣辣🔥，咸香十足充满薯香，打卡仲好一流📸✝️池鱼他他 $68刺身级池鱼他他，鱼香味鲜而浓嘅池鱼分别整成条状同鱼碎他他🐟，连埋青桔、柚子醋同其他香料一齐食，辟腥之余仲好开胃，提鲜咗唔少👍，我自己几钟意❤️✝️烟熏青苹果松露汁赤贝 $68身级嘅赤贝配上爽口清新嘅青瓜同青苹果丝🍏，加埋松露酱，再用苹果木烟熏带出阵阵烟熏香，将所有材料捞匀，口感层次同鲜香味道
地址：观塘巧明街106号冠力工业大厦2楼1号舖
继续将「Boon」嘅恩赐传承落去💕
观塘工业区呢间开咗两年几嘅Boon @booncuisine ，喺啱啱9月原区搬咗新地址——冠力工业大厦2楼。为咗延续自家研发、出面食唔到嘅高质素日式法国菜🇯🇵🇫🇷，新店保留咗人人食过都大赞嘅人气招牌菜式，仲加入咗一啲意想唔到嘅新惊喜新菜式🎉，识食之人绝对唔可以错过😍
由旧址搬过嚟新店，踏入门口就感受到Boon旧有嘅小清新气息🥰，空间同环境更加大，坐得更加舒服，梳化櫈真系冇得输🛋️；另设有包房，可以同时容纳更多食客，甚至包场搞Event都一样得✨
✝️明太子酱薯条 $58
boon嘅招牌菜之一，将满满嘅自家制明太子酱倒上即叫即炸粗薯条上面，每啖食落香脆热辣辣🔥，咸香十足充满薯香，打卡仲好一流📸
✝️池鱼他他 $68
刺身级池鱼他他，鱼香味鲜而浓嘅池鱼分别整成条状同鱼碎他他🐟，
连埋青桔、柚子醋同其他香料一齐食，辟腥之余仲好开胃，提鲜咗唔少👍，我自己几钟意❤️
✝️烟熏青苹果松露汁赤贝 $68
身级嘅赤贝配上爽口清新嘅青瓜同青苹果丝🍏，加埋松露酱，
再用苹果木烟熏带出阵阵烟熏香，将所有材料捞匀，口感层次同鲜香味道都好丰富😋
✝️炙烧左口鱼露荀糖心蛋意大利饭 $148
日本产嘅左口鱼裙边，先切碎再炙烧迫出鱼油🔥，连同煮左口鱼𠮶阵剩低嘅鱼汁倒入意大利饭当中，
食落一啲都唔腻，阵阵炙烧香同鱼脂香互相交错，加埋爽口露笋同味付蛋嘅配搭，估唔到意大利饭都可以咁日式🤣，好有惊喜🎊
✝️香煎西班牙慢煮猪肉眼 $168
干式熟成过嘅慢煮西班牙猪肉眼🇪🇸，肉质粉嫩而且边边痴住薄薄脂肪层带嚟浓厚肉香，未至于好软腍但每啖都有鲜香肉汁💦，加上用糖香煎过整成焦糖面带嚟丝丝焦糖香，令猪肉眼更有风味🐷。伴菜一啲都唔马虎，有惹味嘅西兰花苗🥦、炒菇同薯粒
✝️香蕉朱古力乳酪沙冰 $58
夏日炎炎一定要饮嘅沙冰，用咗100%新鲜香蕉肉🍌，加埋乳酪沙冰整成，虽然卖相一般，但朱古力酱同朱古力脆粒仲令沙冰饮落更香甜🍫，每啖饮落都喺香蕉同朱古力嘅滋味🥰
张贴
