L.D.K. by Ufufu Café (MOSTown新港城中心(4期)) (已結業)

今日同朋友响马鞍山食饭，佢带左去间日式西餐厅。餐厅日系装修，地方够大够阔落，坐得舒服。餐牌主打有蛋包饭、汉堡、便当同丼饭等，另外有个dinner special，order主食加$38就有餐汤或沙律同甜品。餐汤及沙律：餐汤系忌廉粟米汤，浓结适中，甜甜地，几creamy，沙律加左胡麻酱，简简单单已经ok。焗酥皮粟米汤：酥皮焗得够香够脆，配粟米汤就最夹。咖哩蛋包饭：鸡蛋够嫩滑，咖哩汁多，珍珠米口感刚好，每啖都有酱汁，味道够香够浓，正!碎吞拿鱼腩海胆丼：海胆够大块，碎吞拿鱼腩铺满成个饭，口感丰富，有层次感，好好食。迷你版香蕉朱古力芭菲及士多啤梨芭菲：打卡够靓，迷你版唔会惊太大杯食唔晒。除左有生果同雪糕外，仲有玄米，咬落脆脆，食埋甜品好满足。