Suage北海道湯咖哩

营业中

休息中

平时都钟意食日本咖喱，贪佢唔辣又带点甜味。来自日本，过江龙北海道汤咖喱，有另类既日本咖哩体验。餐厅系朗豪坊4楼，位置开扬。主打汤咖喱，而且选择丰富，亦可加配料。日式唐扬鸡汤咖喱 $78加炙烧豚角煮 $22不是一般咖哩的浓稠，质感似汤水。咖哩中有不同的蔬菜 (薯仔，茄子，莲藕片，南瓜)，炸鸡另上，最后可以拣白饭、乌冬或拉面。汤咖喱入口没一般咖哩强烈，平时唔习惯重口味咖哩应该收货，汤咖喱沟白饭，类似汤饭。白松露极旨生蛋拌面 $88拌面一次过用两只”晓”，将蛋汁捞匀，再加入木鱼酱油，白松露酱油同埋海苔碎再捞匀。蛋汁丰富，拌面爽口，味道有层次。最后，将剩余的蛋汁倒入白饭，加入海苔碎变捞饭食。海苔天妇罗鱿鱼 $28香脆薄皮天妇罗鱿鱼，加点海苔味，非常惹味既小食。芝士薯条 $45薯条香脆，芝士酱劲丰富，拉丝诱惑，令人难以抗拒。日本3.5生乳软雪糕 $28雪糕好有诚意，廿几蚊俾到劲大杯，3.5又香又软滑，食到个cone都仲好脆，估唔到嚟呢度食汤咖喱，发掘到咁正嘅雪糕。