稻八日式火鍋炸物放題 (已結業)

要数荃湾区比较抵食、质素几好、环境又ok嘅日式火锅店，稻八一定系其中一间，我地都推介过俾唔少朋友。稻八位于荃湾富利达中心，唔算难揾，隔离就系商场。餐厅面积颇大，枱与枱之间唔会话密到郁唔到。琴晚系平日，都估唔到咁多人，我地第一次坐到咁入，haha。呢度同好多火锅店一样，以牛肉分套餐，最平嘅美国进口牛肉餐每位168蚊，特级美国特上牛肉每位208蚊，除左无限牛肉、豚肉、鸡肉，仲有任食沙律吧、多款自取配料、饮品任饮、雪糕任食。最过瘾系自制天妇罗炸物，新鲜热辣，食足120分钟汤底8款任拣，包括有豆乳、猪骨、昆布、牛乳牛骨、地狱、沙嗲、寿喜烧、蕃茄。最近仲加左一款新汤底：冬荫公毛蟹汤底冬荫公毛蟹汤底几有趣，佢味道算几明显，主要系香茅果种酸酸微辣，未到好冬荫公汤感觉，但食落好清爽，唔会好重口味得来又几开胃店员上完锅底，就好快上哂每样肉类一份，美国特上牛肉、豚肉、鸡肉 (仲有羊肉，不过我地唔食，就俾番佢地)，以任食来讲，佢地嘅牛肉真系错，唔会老唔会韧，亦都唔会好似纸皮咁薄，好过好多逐碟收钱嘅火锅店添啊当然啦，呢碟送嘅手切牛梗系正好多，脂肪均匀，口感有弹性，仲有肉香其他配料任食、自取，款式够多，补添得快