Mo Mo Kushiage (已結業)

同朋友系尖沙咀行街，行到肚仔饿，睇Openrice 睇到呢间日本餐厅，所以就上嚟。餐厅系一般居酒屋格局，地方唔太大，环境舒适唔错 餐厅有新餐牌，睇完餐牌就嗌咗份小食【炸芝士鱼饼 $48】两边炸到金黄色嘅爽口鱼饼，中间夹住块溶紧嘅芝士，咬落去唧哂啲芝士出嚟 再嗌咗两份午餐定食【五点刺身定食 $238】刺身拼盘有三文鱼×2、天使虾×2、松叶蟹脚×2、带子×2 及三文鱼籽，每件食落都好鲜味，三文鱼籽仲好大粒；定食配埋有泡菜、什菌面豉汤、饭 及 南瓜沙律，南瓜磨成溶，再加入调味及花生碎，口感绵密，味道可口，估唔到咁好食 (连朋友个碟都食埋) 另一份定食系【盐烧牛小排定食 $128】牛小排两边煎到好香，肉质好嫩，一啲都唔韧，沾啲盐，夹埋片炸蒜一齐食，真系好食到一流；定食配埋有泡菜、南瓜沙律、什菌面豉汤及饭 嗌咗份小食【黑松露牛油炒什菌 $88】黑松露真系好香浓，牛油炒什菌又香又爽口；嗌咗个暖胃嘅【关东煮 $118】有香浓牛味牛助骨、日本蛋、鲜甜萝卜、鹌鹑蛋、烟烟韧韧嘅年糕福袋，每款都够入味，汤底仲好甜 新餐牌有个【炸串拼盘 $298】拼盘有天使虾炸得好香脆，连啲虾脚都脆卜卜、子持昆布、日本猪颈肉