上戶酒場 (已結業)

以家无得食晚市，想食好啲，又唔想自己煮，就梗系去最多好嘢食嘅九龙城觅食啦。今日就去食下呢间上户酒房先！——————————————入去见到个装修就觉得好有日式居酒屋啲氛围，咁我就坐喺bar台位，可以直接见到师傅。嗌完嘢食，好快就送到了。首先系个前菜，呢个鳀鱼酱咸咸地，配埋野菜条掂嚟食，个味好夹。我最钟意系个萝卜掂酱，因为佢个萝卜条好鲜甜，加上个酱咸咸地，超特别又好开胃。之后就到咗个刺身盛，佢就有五款刺身，包括北海道海胆、牡丹虾、油甘鱼、吞拿鱼同三文鱼。佢另外仲比咗啲紫菜你包住海胆同青瓜食。我首先就食咗虾先，虾肉好结实鲜甜，唔会好似出面𠮶啲霉晒咁，另外佢个虾头都好多膏同肉，要记得食埋。跟住就系油甘鱼同三文鱼，佢地都超肥味劲鲜甜。最后就系吞拿鱼，啲油脂劲多， 入口即溶，超香。下一道𩠌就系铁板原只龙虾，佢系将一只龙虾身嘅虾肉炒到一粒粒，再加调味。啲虾似炒完超弹又唔会好干身，用嚟送酒一流。跟住就系蕃薯串同鸡翼串，蕃薯串烧完之后劲甜，鸡翼烧到好多汁，唔会好干身，重点系佢地都有用烟熏过，食落系有一阵烟熏木嘅味。就后都系烟熏嘅𩠌。有豚肉肠、豚肉腩同鳕场蟹脚。佢个豚肉肠入面都系劲多汁，豚肉嘅香味加埋烟