燒肉801

营业中

休息中

朋友推介呢间餐厅，主打烧肉套餐，猪牛鸡海鲜，另外有主食、小食、甜品同饮料供应😆 环境阔落，空间感几大，冷气够冻，唔怕食完成身烧肉味，另外平日晚市都好多客人，得闲嘅话建议早少少去食呀💕炎盛有胸前牛小排同葱盐味鸡腿肉，牛肉肥嫩、肉质鲜甜、油花分布均匀、质地柔软、牛味几出，鸡腿肉超有惊喜，肉质好嫩、入口即溶、咬落去仲会爆汁、旁边烧至微微焦香，配埋葱盐就perfect了，忍唔住encore咗🤣豚肉盛包括黑毛豚无骨小排、豚香肠同烟腩肉，豚肉薄切、肥瘦适中、微微香脆、咸咸哋咁好惹味，香肠好唔好食都几考功夫、外皮香口、脆身、内里juicy、绝对唔系一般治癌嘅肠仔咁简单，好好味😋 烟腩肉仲邪恶，超级厚切、油脂四溢、满满油香但食落唔腻，性价比高👌🏻小食有沙律，估唔到咁大碗，里面除咗有沙律菜之余竟然仲有温泉蛋、木鱼碎、紫菜同XO酱，强烈建议捞白饭😆 感觉好惹味！个人推介玉子汤，蛋几滑、配上洋葱、菇等，汤底清甜唔油腻，睇嚟又可以食多碗白饭🙈 天气热辣辣嚟多碗冷面，柠檬汁酸甜开胃，一啖肉一啖面中和油腻感，好refreshing！