薰居酒屋

营业中

休息中

呢间新开业嘅串烧居酒屋，喺尖东𠮶头，行原木吧枱风格，好有omakase嘅格调，可以一路食一路同师傅倾下偈，特别好feel～有多款串烧选择，仲有啲日式小食供应，好适合小酌一番放松一下！-——————————————🍱◖鸡肉串烧拼盘◗ $226拼盘一次过试晒五款招牌鸡肉串：自家免治鸡肉串、照烧鸡肉串、脆香鸡皮串、德岛阿波尾鸡胸软骨串、照烧鸡肾串。佢嘅免治鸡肉棒最有惊喜，均匀搽上酱汁拎去烧，烧到外头特别脆口，食落焦香肉味亦都够出！照烧鸡肉都唔错，细细粒，肉质又几嫩滑而且酱料够入味！仲有唔少鸡嘅部位、内脏可以拣，食得日式串烧一定要试吓鸡内脏🐓！🔺鸡肝 $48🔺鸡肾 $42🔺鸡心 $42🔺鸡膝脆骨 $36最钟意鸡心，鸡味适中唔会觉得腥，食落入味而且有咬口，其他款式都唔错，加咗汁，烧得特别香，可以加埋佢哋嘅秘制味粉，甜甜咸咸咁，更好食！🫶其他串烧款式都试咗少少，仲有啲日式小食🧆供应，种类都算几多～🔺蒲烧鳗鱼串 $58🔺盐烧半月油甘鱼鲛 $88🔺娟豆腐 $38🔺酱烧饭团 $58鳗鱼串鱼皮一啲都唔韧，食落松软又香；酱烧饭团都几特别，啲饭事先已经捞咗酱汁调好味，所以会比较湿身，然后再将佢烧干，外面有一层