宏 (已結業)

好耐无去黄埔行街，最近开左港铁有站到真系方便好多，以前多数去只船度行，今次同太座旧地重游，别有一番滋味呢。行完街揾嘢食，只船斜对面百合苑商场外开左啲日式食店，一于去捧吓场睇吓有乜好吃。经过一间个名好熟叫宏，门口有两个好Q公仔吃紧甜品，相信呢度主打甜品，柜台内放左好多日式甜品，当然系女性至爱，我就喜欢吃鳗鱼，一于入内捧吓场。服务员放下menu介绍餐厅特色餐，最后叫左两个套餐大鳗鱼饭和照烧鸡饭，再加多一个抹茶甜品set a,一于试多啲。鳗鱼口感鲜味十足，好有鱼味，外层烧得香脆，再带埋浓浓香汁真系正，再配合通透软绵新泻米饭，绝配顶呱呱，套餐包埋碗细乌冬，口感弹牙爽滑韧性适中，好味，重有一碗沙律，菜清甜，放多两支味料可随意加味，细心而烧鸡份量十足，舖满热辣辣饭面，香味扑鼻，乌冬面加上滑滑海藻，清新健康之选。两件抹茶卷，卖相精致，有一层胶纸包住，香浓忌廉味，软绵绵，有层次感最后到我太座至爱甜品set每一道都是厨师精心杰作，特别系抹茶味浓，蛋卷软滑，晶莹滑白牛奶布丁，雪糕拿破仑，太座甜到入心，最后饮埋杯咖啡，真系甜上加甜，非常满足。总括黎讲环境是舒服的，座位宽松的，甜品超水准的，