一杯屋 (已結業)

未到晚饭时间，但系又有少少肚饿，就入咗去食少少嘢垫吓胃，里面嘅摆设都系以日式为主，非常有feel！鸡心+鸡肾+鸡小肉~人哋唔知以为我同鸡有仇，其实内脏嘅口感，真系冇嘢可以取代！最重要系佢烧得非常香口！调味恰当！而鸡小肉就非常嫩滑！烧牛舌~口感丰厚，够哂香滑，一啲都唔韧，简直系烧牛舌嘅最高层次！烧五花腩~虽然五花腩好邪恶，但系用于烧烤上，已经逼走一啲多余嘅油份，猪肉沾上天然嘅油脂香味，好食既程度难以形容！秋葵木鱼丝~食咁多肉，都要食返啲蔬菜类，秋葵出名健康！爽脆嘅表面，包裹著内里嘅天然物质，配上木鱼丝，味道系估唔到咁合衬！大推！