屋子生活 (已結業)

Happy Friday🥳食一间日式良心咖啡店，系乌溪沙站嘅「屋子生活」🏠~相信好多朋友仔都试过，我都帮衬过几次，最钟意佢地落地大玻璃嘅地台🖼，空间感充足~装修都好清新舒服，同路人必须支持！————————————————👅吉列豚扒丼 ($68)🔸吉列猪热辣辣好脆🐷，有任何炸物嘅共通点 — 热气嘅感觉，肉质弹牙唔干柴，三款沾酱任君选择，霸道重口味吉列猪扒汁同刺激嘅黄芥末，我都系钟意小女生口味嘅沙律酱，不过猪扒干配白饭食都干口🙈👅牛肉综合茶泡饭 ($69)👍🏻 浓郁而清爽嘅柴鱼昆布高汤浸泡饱满嘅珍珠米，牛肉就算浸咗落汤都冇霉🐮，加埋粟米、海带同脆米，啖啖都有配料👅木槺焙茶窝夫 ($48)👍🏻打到微微挺身嘅忌廉，洒上好幼细嘅木槺，有啲雪崩蛋糕feel，卖相几靓㖞~ 松饼软中带弹性，质地偏似冬甩多啲🧇，雪糕嘅焙茶几突出，微甘茶味令成道甜品无咁甜👅冻拿铁咖啡 ($39)👍🏻一层绵密泡泡，牛奶味比咖啡味重少少，最搞笑系有一下以为支铁羹系铁饮管😆，啜咗落去先发现蠢咗————————————————🚩总结：用新的幸福抹去旧的不快———————————————— 🌟注意：首次消费满$200即可成为屋子