神木日本料理 (已結業)

耐冇食日本菜，有时都有个心瘾想食，好在身边嘅朋友同另一半都钟意食，有个伴真好！而今次呢间餐厅都系主打日本料理，进食嘅环境相对宽敞，装修偏向日式风格，有啲座位以竹叶图案嘅屏风一边包围住，墙上亦挂有几幅日本动画嘅画像，有如置身日本享用晚餐一样～✎ 牛肉他他牛肉质感松软而富有肉味，里面粉嫩，易咬开。表面放咗好多蒜，口感浓烈刺激。笃穿流心蛋，令蛋汁流岀，蛋香味浸入牛肉，令牛肉多咗一重丝滑口感！✎ 神之特上刺身(6点盛) 刺身有虾、带子、油甘鱼、三文鱼、吞拿鱼同鲍鱼。刺身普遍新鲜，冰冻感十足。最令我深刻嘅系鲍鱼，非常Q弹，爽口滑嫩，令我想食多几块嘅感觉～✎ 杂绵烧物 分别有烧蕃茄、牛舌、鸡肉串、鸡软骨串、翠玉瓜、鸡皮同埋鸡肉棒等等。串烧以辣粉调味，微辣，香口美味～牛舌爽口；鸡肉柔嫩；鸡软骨爽脆嫩口；翠玉瓜多汁，烧到有啲焦，更显惹味；鸡皮脆香，一入口少少油脂爆出黎；鸡肉棒外层微焦香脆，肉质软腍，肉香四溢。烧物味道都唔错！✎ 火灸三文鱼卷火灸三文鱼充满油香，味道鲜甜，入口几乎即溶～入面嘅馅有玉子、蟹柳同青瓜丝。饭口感软腍，味道酸酸地，唔会松松散散！✎ 蓝柑乳酸梳打 浓浓橙香同乳酸味。✎ 草莓乳酸梳打