Cherry Tokyo Cafe (將軍澳中心) (已結業)

今日又试下新餐厅，将军澳中心既新餐厅有排试。今日就试左呢间食日本同西式野既Cherry。其实价钱就真系同一般餐厅都差唔多，每道菜都$6x-$8x，但间餐厅就开正喺商场既中间，会不断俾行过既人望住你食，讲真真系会食得无咁自在。menu上面既选择都好多，经过一轮讨论，我地叫左黑松露忌廉意粉，蟹籽青瓜沙律，牛油果软壳蟹反卷，明太子鸡翼，一杯焦糖炖蛋泡沫咖啡同宇治抹茶鲜奶。沙律都真系同一般既无分别，$48份量真系好少。呢个反卷个味道唔错，软壳蟹仲系好脆，但个反卷一夹就散哂，包得好唔实，食到天一半地一半。鸡翼外面炸到金黄色，热辣辣，入面酿左啲明太子，只只都胀卜卜。意粉闻落就好香，但食落我就觉得个汁唔够滑身，好似仲有啲粉既感觉。我𠮶杯creme brûlée cappuccino 好香浓既咖啡味，饮落有甜甜既焦糖味，可以入黎饮杯咖啡都唔错。得闲试下新野，都系几开心既，下次就想试下甜品多啲。