Cherry Tokyo Cafe (愉景新城) (已結業)

芝士肉酱焗薯条 $38，虽然芝士焗至金黄色，几香几惹味，但唔够热，幸好薯条炸至香脆，拌以肉酱同食，味道几好几滋味。墨汁海鲜意大利饭 $128，海鲜好靓好味，带子大粒又弹牙，仲有鲜味。蚬肉亦大只爽口，虾肉去壳方便进食，而且肉质爽弹，鱿鱼更加有鲜味，配埋三文鱼籽，鲜味更升级。意大利饭保持口感，几有咬感，但未至于似外国的半熟口感，所以几岩港人口味，而且吸尽墨汁鲜味，味道好浓鲜。烟豚腩卡邦尼意粉 $88，同样是味道浓郁，creamy酱汁好重奶香同蛋香，意粉挂满酱汁，入口特别顺滑美味，烟肉亦好香，所以唔好睇份量好似好少，食完都有点腻，但味道好好，好满足。焦糖咖啡 $26，有好重焦糖味，与咖啡味balance，几香几好饮，令人回味。鲜奶咖啡 $23，朋友的咖啡亦大赞，奶泡打得细密绵滑，咖啡味亦香浓，无被奶泡冲淡，加上唔甜既饮品最岩友人。价钱合理，味道又好，而且仲唔使等位，值得再来。