影片
更多
2012-03-29
127 浏览
1月1日, 2O12年首食评兼第8OO篇!喺新嘅一年, 当然想食个好d嘅开年饭庆祝一下啦! 首要就要揾d我地最喜爱嘅美食作题材~ 知道喺1月1日, 亦即系日本嘅新年, 有好多嘅日本餐厅都会提供新年嘅御节料理或者special menu供人客享用~ 不过我地太迟订位, 好多都已经full咗… 结果揾到呢间虽然冇咩special menu不过都有我地想食嘅野, 一于就以呢度食我地嘅开年饭啦!::: 福助什锦鱼生饭定食 ::: $280叫一个set就有包括前菜、 茶碗蒸、 沙律、面豉汤同甜品, 有晒基本嘅野, 已经好丰富~ 前菜系海藻加埋一d瓜类嘅野, 冻冻地好清新, 海藻好爽口, 唔错~ 沙律系薯仔茸加上沙律菜同粟米, 配埋沙律酱同车厘茄, 沙律菜几新鲜, 𠮶pat薯仔茸都几系精髓! 不过沙律酱如果用日式嘅芝麻酱或者柚子汁应该会更好~ 茶碗蒸系一贯货色, 有银杏、 冬菇同鱼蛋喺入面, 味道唔算突出, 不过食完成个人胃口都开晒~ 面豉汤味道偏淡, 可能系自家制货, 同出面味道唔同~嚟呢度应该就一定要叫呢个数量限定嘅鱼生饭, 好多枱都有叫~ 话就话限定, 其实应该都几充足嘅~ 呢个以点名命名嘅
喺新嘅一年, 当然想食个好d嘅开年饭庆祝一下啦! 首要就要揾d我地最喜爱嘅美食作题材~ 知道喺1月1日, 亦即系日本嘅新年, 有好多嘅日本餐厅都会提供新年嘅御节料理或者special menu供人客享用~ 不过我地太迟订位, 好多都已经full咗… 结果揾到呢间虽然冇咩special menu不过都有我地想食嘅野, 一于就以呢度食我地嘅开年饭啦!
::: 福助什锦鱼生饭定食 ::: $280
叫一个set就有包括前菜、 茶碗蒸、 沙律、面豉汤同甜品, 有晒基本嘅野, 已经好丰富~ 前菜系海藻加埋一d瓜类嘅野, 冻冻地好清新, 海藻好爽口, 唔错~ 沙律系薯仔茸加上沙律菜同粟米, 配埋沙律酱同车厘茄, 沙律菜几新鲜, 𠮶pat薯仔茸都几系精髓! 不过沙律酱如果用日式嘅芝麻酱或者柚子汁应该会更好~ 茶碗蒸系一贯货色, 有银杏、 冬菇同鱼蛋喺入面, 味道唔算突出, 不过食完成个人胃口都开晒~ 面豉汤味道偏淡, 可能系自家制货, 同出面味道唔同~
嚟呢度应该就一定要叫呢个数量限定嘅鱼生饭, 好多枱都有叫~ 话就话限定, 其实应该都几充足嘅~ 呢个以点名命名嘅鱼生饭卖相非常大堆头~ 材料足足有十多款, 铺满晒系会饭度, 成朵颜色七彩鲜艳嘅花咁, 饭呢完全不见天日, 要就咁笔d饭嚟食真系有难度~ 真系卖相一流, 但要食饭就真系有d难度, 唯有先夹开晒d𩠌先… 侍应亦好细心地比多一只碟我地将鱼生夹出. 数一数鱼生, 基本嘅吞拿鱼、 三文鱼、 甜虾、 带子、 海鳗、 甜蛋都有齐, 仲有d我地成日都有食但系都唔太分得出嘅, 应该系剑鱼、 池鱼同章红鱼, 而惊喜嘅系鱼子同海胆, 份量竟然几多下~
经店员介绍, 原来点鱼生同点寿司嘅豉油都有唔同~ 点鱼生就用咸d𠮶只. 其实如果鱼生新鲜, 唔需要点任何野品尝原味就最好啦~ 睇色泽就每款鱼生都好似几新鲜, 食落味道亦成正比~ 新鲜肥美、清甜可口已经可以形容晒~ 尤其以甜虾、 带子、 海胆最为突出! 要数比较差嘅唯有系个甜蛋, 太老亦都太干… 饭嘅酸度刚好, 好唔钟意食日本饭被d酷味盖住晒, 得个酸字, 呢个唔会过酸之余仲食到米饭嘅香甜味, 唔错~
整个定食嘅份量, 一个女仔应该食唔晒, 因为我见隔离枱2个女仔都各自叫咗一客, 而佢地都只系食得晒d鱼生, 饭就剩低一半, 建议share嚟食会好d~
::: 福助精选寿司定食10件 ::: $185
呢个寿司定食份量就可以抵销番个劲足料嘅鱼生饭~ 寿司系师傅决定嘅, 冇得拣, 嚟乜食乜. 嚟到嘅寿司其实同个什锦鱼生饭有d系一样, 不过寿司鱼生好似仲厚d~ 味道唔再多讲, 因为同鱼生饭𠮶d一样, 都系好鲜味嘅~ 想讲较为唔同嘅系寿司饭比较实同硬, 而又冇咁酸~ 所以原来食鱼生饭同食寿司都有分别~
食晒个主食再上埋甜品, 系柠檬柚子雪芭, 好够冻亦都好够酸, 味蕾顿时清新番晒~不过雪芭好似西式咗d, 如果有红豆汤或者汤丸就更有新年气氛~
2O12年有个唔错嘅开始, 食物质素高~ 有十分美味嘅鱼生加上又系我地都好喜爱嘅日本菜! 不过弹少少系侍应数量唔多, 好难先叫到人~ 坐位亦都比较似系港式日本居酒屋𠮶d格局, 多番d日本风格会好d.
张贴
