影片
更多
2022-07-30
49 浏览
如果你系好耐冇黎大角咀嘅人，咁你可能会错失咗好多正野。因为大角咀近奥运呢一头已经发展改变咗好多，好多新落成嘅私楼。环境非常靓，楼上住宅下面就系食肆同埋商舖。今日我哋发现呢一间日式嘅居酒屋竟然做紧酒精放题，我哋两个酒鬼梗系要去试一试啦。加埋一$500都唔使，3小时任饮！其实出去外边酒吧饮，饮三四杯都已经差唔多价钱，所以非常抵饮！而且你见到佢嘅选择非常多，有生啤、烧灼、清酒同埋果酒都可以任君选择。一坐低，热心嘅店员已经为我地两个送上一杯热辣辣嘅鸡汤！从佢奶白颜色望见，呢一个鸡汤系有几咁浓，一定系熬制左非常之耐！佢用咗大量嘅鸡件、鸡骨、鸡肉去煲成，所以饮起嚟充满鸡嘅鲜味，仲充满骨胶原添，摆得来你会见佢形成咗一层薄浆咁。少少油但系对于要狂饮嘅人嚟讲就非常好，帮你个胃打一打底，冇咁伤身。夏天热辣辣我就比较钟意饮果酒。一定要饮嘅就系呢一款楯野川子宝芒果酒，用咗好多印度芒果汁去制成，所以饮落好似饮果汁咁样，但系就充满咗花香。另外一款系神开蜜柑酒，用咗蜜柑同埋柚子，酸酸甜甜特别醒胃，真系唔啱饮酒嘅都可以当果汁咁饮饮落去。最后一款要推介嘅就梗系佢𠮶个自家制梅酒啦，饮落非常之清新，最啱送埋佢啲佐酒小食一齐
环境非常靓，楼上住宅下面就系食肆同埋商舖。今日我哋发现呢一间日式嘅居酒屋竟然做紧酒精放题，我哋两个酒鬼梗系要去试一试啦。
加埋一$500都唔使，3小时任饮！其实出去外边酒吧饮，饮三四杯都已经差唔多价钱，所以非常抵饮！而且你见到佢嘅选择非常多，有生啤、烧灼、清酒同埋果酒都可以任君选择。
一坐低，热心嘅店员已经为我地两个送上一杯热辣辣嘅鸡汤！从佢奶白颜色望见，呢一个鸡汤系有几咁浓，一定系熬制左非常之耐！佢用咗大量嘅鸡件、鸡骨、鸡肉去煲成，所以饮起嚟充满鸡嘅鲜味，仲充满骨胶原添，摆得来你会见佢形成咗一层薄浆咁。少少油但系对于要狂饮嘅人嚟讲就非常好，帮你个胃打一打底，冇咁伤身。
夏天热辣辣我就比较钟意饮果酒。
一定要饮嘅就系呢一款楯野川子宝芒果酒，用咗好多印度芒果汁去制成，所以饮落好似饮果汁咁样，但系就充满咗花香。另外一款系神开蜜柑酒，用咗蜜柑同埋柚子，酸酸甜甜特别醒胃，真系唔啱饮酒嘅都可以当果汁咁饮饮落去。最后一款要推介嘅就梗系佢𠮶个自家制梅酒啦，饮落非常之清新，最啱送埋佢啲佐酒小食一齐享用。
自选配料关东煮
呢个鱿鱼须非常爽滑弹牙，就咁用呢一个萝卜高汤去滚熟，食起嚟鲜味无穷。
松叶蟹肉椰菜沙律
松叶蟹肉啖啖肉，食起嚟好鲜甜，配埋清新爽嘅杂菜沙律就系简单嘅美味。
唐扬墨鱼咀
墨鱼咀细细粒，但份量一d都唔算少，炸得好香好脆但唔油腻，送酒饮特别开胃。
明太子鸡翼
胀卜卜，你就知道佢入边系放满咗馅料。
咬开一啖就有鲜橙色嘅惊喜。鸡翼已经酿入明太子同肉碎，入口嫩滑，质感同少少辣令味蕾满足！
炸池鱼
平时我唔系咁钟意食鱼，因为我惊佢腥，咁当然炸咗嘅鱼就非常好啦，一啲腥味都冇！
尤其系呢一款一口就可以食晒成条嘅池鱼。食起嚟个骨已经可以咬碎因为炸到脆卜卜，个粉都非常之薄完全唔觉有。
小食嘅质素非常高质，最紧要系酒精类可以任饮三个钟，真系值回票价！
张贴
