千上日本料理 (已結業)

2019年1月6日。旺角。晴。日日都打边炉，唔通日日都打边炉咩？呢日打嘅系日式边炉～a.k.a.寿喜烧～第一次食寿喜烧系细细个跟团去日本嘅时候第一次食寿喜烧：哗～好味啊～第二餐继续寿喜烧：咦，乜又系你啊，寿生？第二日再食寿喜烧：日本人系咪除咗食寿司就系寿喜烧？跟团竟然日日都系食寿喜烧。。。所以之后好多年都无再食过呢样嘢啦～呢日相隔多年，再次同寿生相遇～宝勒巷有间酒店装修紧，间餐厅就照常营业上到去就见到着住缤纷浴衣嘅店员～嗌咗和牛寿喜烧～先有中华沙律同螺肉做小食～另外仲嗌咗枝豆同蟹籽沙律和牛寿喜烧会跟一大盘配料～有娃娃菜、小棠菜、大葱、冬菇、鱼板、金菇、南瓜同薯粉～两个人绝对够饱～仲有非常滑溜、豆味浓郁嘅香滑豆腐～主角和牛出场～～～～～和牛肉质嫩滑，牛味香浓汤底系甜酱油咁嘅～就咁饮都可以饮几碗～好清甜！烚完菜同牛肉，汤又会更浓郁～呢个时候又可以再饮多两碗～非常暖胃，非常满足～最最后，仲有雪米糍添啊～为与寿喜烧嘅重逢画上完美嘅句号。