圓鐵板燒 (已結業)

喺moko嘅food court见到呢间铁板烧，都好多人排队好似好吸引，就同朋友入去试吓。即使入到去叫咗嘢食，都要等师傅烧所以都等好耐。叫咗个安格斯配海鲜嘅二人餐。有个日式嘅昆布汤，饮落去清清地。之后上再一份用蒜蓉做搭配嘅油麦菜，蒜头味道未算好突出，但系火喉唔错煎得几香。牛嘅味道都唔错，叫五成熟，不过都觉得师傅煮熟咗少少。但系整体都唔错，肉都仍然juicy。呢个香煎龙脷柳煮得好香，少少微焦微脆，令个香气同口感都加分。上面有啲生蒜，鱼配埋个辛辣感都好好。但系呢个黑椒汁带子同虾就唔系咁好食了。佢个汁好厚，味道都一般。整体嚟讲呢餐饭算值。