牛極 (雅怡居)

营业中

休息中

依家市面上都几多铁板牛下，最出名就不过于三XX，但呢间出左无耐既，叫牛极，其实都几抵食，性价比都比较高既个人认为。环境方面，真系一改铁板牛既一贯作风，唔会全部都系吧枱，无计喇，因为吧枱够悭位，大大食完又可以食多转客，但个客就会食得好辛苦下，仲同隔离逼住逼住咁食，但今次呢间就用返正常size既枱，坐得真系舒服好多，而且同朋友黎都可以4人座位式咁倾下计，呢个绝对系值得一赞既地方！！牛既质素都几唔错，够raw够新鲜，食落都几有牛味，最紧要系佢有岩盐比你调味，真系增加左唔少牛味，而铁板都够大块，足够烧到大约180g牛肉，建议大家一路食先一路切，咁就唔惊d牛太熟喇，如果块板唔够热，仲可以去换板唔错！