蟲二

营业中

休息中

相信平时钟意打卡同周围食好西既大家，对虫二一啲都唔陌生。今日难得早收工，去旺角行街，紧系要去虫二食我心心念念左好耐既伯爵茶麻糬传统班戟啦！一汁三菜 便当 ~烤芝士汉堡扒伴海苔肉松汉堡扒软绵绵，有淡淡既洋葱味，加上芝士同照烧汁，融合得岩岩好。另外，加上肉松又系另一番风味。~樱花虾豆乳味噌豚肉高丽菜卷配高野豆腐及年糕福袋味噌汤好香樱花虾，豚肉高丽菜卷非常入味，高野豆腐及年糕福袋出面既腐皮都吸满汤汁，清淡但有鲜味。日本谷米杞子酱油炊饭入面有蕃茄仔，最特别系食用方法，有三部曲，职员会比张卡仔教你点样食。我最钟意既就系加入慢煮蛋既食法，蛋黄又香又滑，令到炊饭既口感更丰富。伯爵茶麻糬传统班戟好香伯爵荼味，班戟好似强糕咁，软绵绵，加埋麻糬烟烟韧韧。桂花蜜梳打有好多既桂花系上面，视觉同味觉既享受。绿茶伯爵茶钟意伯爵茶既朋友，一定唔可以错过。比起平时饮到既伯爵茶唔同，几特别。