京林屋 (已搬遷) 新店位置

特浓焙茶雪山 ($98)焙茶fans请注意，超大座焙茶冰等你劈开。面头放上一球焙茶雪球，焙茶味浓郁香浓，冰感重好爽滑。
雪山食之前会淋上糖水，令本身无味既冰有返甜味
，但味道过于假甜，不讨好。
底下仲有好多白玉同红豆蓉，白玉依旧烟韧，红豆蓉会越食越甜。整体比较腻，适合三人以上分享。香港限定芭菲 ($93)抹茶控实满足死，由日本黎历史悠久既京林屋有香港限定既芭菲。
面头系抹茶雪糕，甘香味浓，食落够回甘，质地亦好软滑。
抹茶蕨饼非常软滑，味道就稍为淡；白玉好烟韧软糯
，之后就有抹茶既好朋友－红豆蓉，软滑香甜，但甜度略为过高，食得多好腻。忌廉入面仲有块蛋糕仔，松软香口，不过难免浸淋身左。
之后有爽口既寒天同士多啤梨粒粒，
最底既有烟韧既糯米糍。整体无咩大惊喜，但层次丰富，两个人share都好饱好满足呢。