影片
更多
2021-04-17
25 浏览
今个星期五继续与友人一齐寻觅新开嘅日本餐厅，呢间「Mo Mo Kushiage」顾名思义就系好多好多串扬咁解，所以睇名已经知系一间专食日式炸物的餐厅。虽然餐厅面积唔大，但胜在装饰木系简洁，而且即使三人用餐都安排了六人枱，所以坐得都十分舒服。当晚虽然系星期五，不过可能仲系新开同试业阶段，人数都唔太多。一坐低就见到墙上贴住生啤买2送1嘅优惠，当然点餐前就先每人点一杯啤酒Happy Friday先啦。而餐厅一坐低，就会先上咗碟前菜和秘制酱汁（餐厅话用嚟点炸物可以减少油腻感），不过最后埋单先见到前菜系每碟28蚊。虽然知道系一间串扬餐厅，不过都期待会好似其他居酒屋咁有其他野食，可惜都系以炸物为主，无咩系食得饱嘅野食，真系有啲似日本嘅居酒屋，比较啱食饱过嚟饮返杯。所以我哋都点咗佢哋比较唯一嘅主食，包括鸟冬($78)同什锦伴饭 ($108)，不过都系好细份，似半人份量咁。而炸物方面都点左几款，每款都要两串起跳，包括莲藕夹饼、猪梅肉、牛柳、山药、虾饼三文鱼子，大部分都系 Juicy，而且唔太油腻，不过惊喜不大。而我唯一比较推荐嘅会系莲藕夹饼，！！而炸鸡软骨($48)都系比较出色，热辣辣好好食，而且好啱
当晚虽然系星期五，不过可能仲系新开同试业阶段，人数都唔太多。
一坐低就见到墙上贴住生啤买2送1嘅优惠，当然点餐前就先每人点一杯啤酒Happy Friday先啦。而餐厅一坐低，就会先上咗碟前菜和秘制酱汁（餐厅话用嚟点炸物可以减少油腻感），不过最后埋单先见到前菜系每碟28蚊。
虽然知道系一间串扬餐厅，不过都期待会好似其他居酒屋咁有其他野食，可惜都系以炸物为主，无咩系食得饱嘅野食，真系有啲似日本嘅居酒屋，比较啱食饱过嚟饮返杯。
所以我哋都点咗佢哋比较唯一嘅主食，包括鸟冬($78)同什锦伴饭 ($108)，不过都系好细份，似半人份量咁。
而炸物方面都点左几款，每款都要两串起跳，包括莲藕夹饼、猪梅肉、牛柳、山药、虾饼三文鱼子，大部分都系 Juicy，而且唔太油腻，不过惊喜不大。而我唯一比较推荐嘅会系莲藕夹饼，！！
而炸鸡软骨($48)都系比较出色，热辣辣好好食，而且好啱饮酒。
另外，餐厅仲有提供关东煮，$108可以拣五款，不过价钱略贵，每款都系1-2件左右，胜在汤底清甜。
餐厅亦都有提供清酒，今次我哋就拣咗枝纯米吟酿，清甜甘口，仲有少少微碳酸嘅感觉。顺带一提，佢哋个清酒杯系几靓。不过可能因为点300ml，所以无俾冰桶，令到清酒去到中间已经唔太冻。
整体嚟讲，嘢食上系无咩大问题，服务亦都系唔错，但只系速度上的确令人担忧。本身餐厅位于旧楼，无论上楼或落楼都已经要排长龙；而餐厅的上菜速度亦非常慢，7点半点既炸物，去到9点半都未到，中间亦催了几次单；又或者系点三串，先嚟两串，半个钟后再嚟多一串。希望过咗试业后，速度可以改善。
张贴
