Hokahoka

营业中

休息中

星期五晚上突然约朋友食饭，佢指明要去尖东，惟有上OpenRice search 下，见到呢间餐厅，又记得屋企人试过话正，7点先打电话去订8点，竟然有位，非常好彩同意外。餐厅系传统日式格局，我地两个被安排坐褟褟米，枱下有位放脚，无需跷脚。因为出面太热，先叫杯梅酒同calpris soda解热，两杯饮品味道刚好，唔会太甜太淡。食物叫咗三色丼，$170，价钱算合理，海胆唔算鲜甜但够滑，三文鱼子够弹口汁多，碎吞拿鱼亦几香口。之后叫咗明太子茶渍饭，味浓三文鱼子几配淡口茶渍饭。仲有烧饭团，上枱先知叫咗咁多饭，烧得香但里面无馅，可以饮啖附送嘅面鼓汤令口无咁淡，因为我地又叫咗明太子鸡翼，我用部分明太子送饭团。明太子鸡翼烧得适中，里面啖啖明太子。仲有叫咗烧牛舌，一份两串，牛舌大大片，仲要好弹牙，正。两个人食咗咁多都系每人$280，又坐得舒服，食物水准唔错，会再来。