熊野日本料理 (已結業)

中学果阵系大围读书，而当时仲系一个租金合理，人人有定企嘅年代。行下街，租个单车就可以玩成日，而且一啲都唔觉迫人。十年过去， 呢度已经变得乌烟瘴气，sale屎满天飞。有时其实都唔想认老，但过去真系比较美好。话虽如此，今日黎讲呢度嘅租金都系比外面平少少，所以小店亦有生存空间。小店多，市民选择亦多，生活就更丰富啦。呢度最近开左间日本餐厅 (好似都唔算新，系我太少黎)， 叫做「熊野」，装修好靓，地方算干净，餐具、摆设等等亦见心思。我地点左一个鳗鱼茶渍饭($138)、一个稻庭海鲜面($108)同一客玉子烧寿司($30)。首先黎嘅系玉子烧寿司，特别之处系佢张D饭放系蛋入面，同我地平时食开唔同，品道亦唔错。茶渍饭好香，鳗鱼味道好足，算系几有水准；海鲜面亦非常丰富，各式海鲜都有。店员见我地食到咁上下，佢拎左一客小食话送比我地，系炸物之类嘅野，热气得黎又几香口。两个人埋单$304，总括黎讲唔平亦唔算好贵，呢个价钱黎讲质素算ok，但如果食物份量可以再多D就更好喇。