二十道

俩母女出去食饭，顺便买母亲节礼物，我女成日话想去居酒屋、食拉面，今日就带佢黎「二十道」。门口好有西餐feel，入面就有传统日式拉面店嘅感觉。全部座位，可以一边食、一边同厨师交流食物煮法，又上一课。🤭🤭「北海道直送白梅贝」唔腥，几好食👍🏻「鸡颈肉串烧」材料有烧汁、香草、少少辣椒粉，原来一串要用三只鸡颈。😲「鳗鱼肝串烧」鱼嘅内脏真系未食过，原来味道好特别，好好食。😬「熟成刺身丼」帆立贝、䲞鱼、蟹籽海虾 ，刺身好新鲜。仲有自家制白萝卜渍，好爽脆。丼饭嘅白米用上纯酒粕酢混合，更能带出🍚口感。「西班牙白豚肉拉面」豚肉用上西京烧煮法，口感嫩滑。配上意大利黄瓜、rosemary 、芦笋 、车厘茄，好有日式fusion 拉面嘅感觉，汤底用上鸡、帆立贝，味道清鲜甜。