日喜樓 (已結業)

2019年3月10日。雨。铜锣湾。呢日有小小雨，冻冻哋，所以放弃食最爱嘅日本嘢，嚟食呢间新开无耐嘅日喜楼～餐厅新开张期间有85折！抵食！位置喺登龙街，正正就喺鹅颈桥对面落一层就到餐厅啦～座位非常阔落～中间有几张圆枱，侧边嘅就系梳化位咁啱见到其中一枱圆枱客食排场十足嘅百碟宴效果真系几震撼～坐得好舒服～落单前先用iPad睇餐牌，环保得嚟又唔怕旧～感觉仲会高级啲添～菊花茶，$12每人茶位费$12，咁选拣当然唔止菊花茶啦～仲有各类常见嘅普洱、铁观音𠮶啲拣嘅～茶壶上面都印咗餐厅logo渗入咗传统天圆地方嘅哲学～酸辣海参羮，$58酸辣程度唔算高，用料都几足～会见到一嚿嚿嘅海参，仲有鸡丝、木耳丝同笋丝咁～酸酸咁，几开胃～荠菜鸡丝炒年糕，$98年糕有埋咁上下厚度，但口感超级软糯～钟意食烟韧嘢嘅朋友一定要试下年糕～因为配料只有荠菜同鸡丝，味道较清淡而且店员主动送上桂林辣椒酱，嗜辣嘅朋友捞埋落去个年糕度食，即刻增添惹味～酸菜斑片，$178呢个𩠌带少少辣，而且其中一款青色嘅辣椒同酸菜颜色好似，食嘅时候要小心留意下～斑片嫩滑可口～无骨啖啖肉～啱晒唔识吮骨嘅我～呵呵～除咗斑片，不得不赞下啲配料！酸菜故之然好味啦