佳佳甜品

营业中

休息中

话说呢日食完晚饭之后，有啲意犹未尽，好想食下甜品，喺佐敦其实都有好多唔同嘅甜品舖，有中式有西式，但系如果讲到出名嘅，都算系呢间啦，因为每晚嚟到都见到佢大排长龙，每次都冇办法可以坐低堂食，都要嗌外卖，但系嗌外卖又唔使等好耐，都几有效率，佢甜品款式又唔算好多，价钱亦都几大众化，好多都系廿几蚊就有交易，有啲食材贵啲就三十几蚊，今次我哋就嗌咗一个红豆沙配芋蓉，坦白讲红豆沙有少少稀，麻麻哋，不过好在芋蓉食落就唔系好滞，整体配合都算可以，另外嗌咗一个春蛋炖雪耳，呢个就真系唔错啦，一嚟个卖相靓，二来个雪耳糖水饮落好清香，好清甜，感觉非常之好。