Mo Mo Kushiage (已結業)

难得同朋友出黎尖沙咀，就谂住揾间餐厅可以慢慢倾下计食下野。见到有人派传单系类似一间日本居酒屋，见到野食环境都唔错，就跟住个员工上去试试佢！果然无令我失望！Amela超甜蕃茄谂住开一开胃就叫左呢个前菜，名副其实超甜蕃茄，唔会比酸味盖过甜味，都几开胃！西班牙黑毛猪肋条员工介绍黑毛猪系食橡树，所以唔使烧到全熟，而猪肋条上面配有辣味萝卜溶同葱花，一咬感觉肉好爽滑，油脂满布口腔，辣味萝卜溶完全将口感升华！明太子配青瓜一咬入口明太子完全泌哂出黎满布口腔，辣辣地，而青瓜的作用可以中和辣味，口感会更佳！四式鸡肉炸串用左四种酱料来配鸡肉串，包括梅酱、芥末、明太小同芝士，鸡肉炸得岩岩好，好有肉汁，每种酱都带有唔同风味，个人认为芥末好出色，同鸡肉好夹！虾饼三文鱼籽虾饼好爽口弹牙，份量都几大，配上他他酱同三文鱼籽，完全带出虾的鲜甜同层次！热乌冬每次去日本餐厅一定会叫一碗热乌冬试试佢正唔正宗，果然冇令我失望，乌冬够热同弹牙，汤底亦十分鲜甜，超满意！